Новости по теме

Патшалăх Канашĕн черетлĕ 25-мĕш сессийĕ, кĕçнерникун иртнĕскер, пуш уйăхĕн 22-мĕшĕнче Мускав облаçĕнчи Красногорск хулинче пулнă тискер терактра вилнисене пурте пĕр минут шăп тăрса асăннинчен пуçланчĕ. Депутатсем 12 саккун проектне тишкерсе ырларĕç, ытти ыйтăва пăхса тухрĕç.

Вăл Президент суйлавĕн кунĕсенче общество енчен сасăлав мĕнле иртнине сăнассине тивĕçтерĕ.

Ăна уçма хутшăннă май республика Пуçлăхĕ Олег Николаев центр пĕлтерĕшне пысăка хурса хакларĕ: «Кунта суйлавпа çыхăннă пĕтĕм информаци капланать. Кирек хăш суйлав участокĕнчи пĕр-пĕр лару-тăрăва кадрсем тăрăх пайласа тĕплĕ тишкерме пулать. Кунашал майсем урăх нихăш çĕршывра та çук».

ЧР Регион управленийĕн центрĕ «Стоп-пăр» акцие пĕтĕмлетрĕ. Нарăс уйăхĕн пуçламăшĕнче старт илнĕ флешмоба 70 яхăн пĕлтерÿ килнĕ.

Республика хулисенче пурăнакансем нумай хваттерлĕ çуртсен тăррисенчен усăнса анакан пăрланнă тумласене ÿкерсе илсе тата «хăрушă пăр» адресне кăтартса социаллă сетьсенче вырнаçтарнă.

Кăрлачра уяв-кану кунĕ нумаййине кура çак уйăхри кăтартусем тăрăх кăна çулталăк мĕнле пулассине палăртма, паллах, йывăр, çапах пуçламĕшĕ малалли ĕçе витĕм кӳни те паллă. Тунтикун ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертӳçисемпе ирттернĕ канашлура шăпах кăрлачри ĕç-хĕле тишкерчĕç те — чылай енĕпе кăтартусем ӳсĕмлĕ пулни кăçалхи ĕçсем аван пуласса шанма май парать.