Елчĕк районĕнчи ял тăрăхĕсен хушшинчи тĕп библиотекăра Елена Хĕвелпи поэтесса хăнара пулнă.
Елена Васильевна Барская /Блинова/ çак районти Аслă Таяпа ялĕнче çуралнă. Унăн пултарулăхĕ, пурнăç çулĕ, общество ĕçĕ нумай енлĕ, кăсăклă. Тĕрлĕ професси - воспитатель, повар, зоотехник, радиотелефонист тата ытти те - алла илнĕ вăл. Ачаранах ал ĕçĕ тума тата сăвă çырма ăста.
Чăваш Енре Культура çулталăкĕ вăй илсе пырать. Çак юхăм Чăваш патшалăх оперăпа балет театрĕнче те палăрать. Юлашки вăхăтра çеç кунта чылай мероприяти иртнĕ.
Çывăх вăхăтра пурнăçа кĕмелли - Пĕтĕм тĕнчери балет фестивалĕ. Вун саккăрмĕш хут иртĕ /ака уйăхĕн 22-26-мĕшĕсенче/ вăл кăçал.
Тĕп хулари 3-мĕш музыка шкулĕнче ĕçлекенсем Культура çулталăкĕнче хастарлăха ÿстерни куç умĕнчех. Мероприятисем çине-çинех иртеççĕ.
Çак кунсенче Чăваш Республикин культура министрĕ Вадим Ефимов тата Чăваш наци конгресĕн президенчĕ Николай Угаслов Шупашкарта Пĕтĕм чăвашсен уявне - Акатуйне - хатĕрленсе ирттерес ыйтупа ĕçлекенсемпе тĕл пулнă.
Етĕрне районĕнче урă пурнăç йĕркине çирĕплетес ыйтупа ял тăрăхĕсен ертÿçисен, сиплев тата суту-илÿ тытăмĕнче ĕçлекенсен канашлăвĕ иртнĕ. Эрех-сăра сутмалли йĕркене пăхăнман лавккасем пирки çирĕпрех мерăсем йышăнма тивет. Вĕсене хупасси çинчен сăмах пымасть кунта, пурте саккуна пăхăнса пурăнччăр. Халăхра ăнлантару ĕçне вăйлатассипе вырăнти пуçлăхсем хăйсем тĕслĕх кăтарма тивĕç, палăртрĕ район ертÿçи Владимир Кузьмин. Район ĕçĕ-хĕлĕ çинчен «Хыпар» тата «Хресчен Сасси» хаçатсен çĕнĕ номерĕсенче вуласа пĕлĕр.
Харăсах темиçе кредит тÿлеççĕ вĕсем. Кил умĕнче ларакан техникăна пĕтĕмпех выльăх-чĕрлĕх ÿстерсе тата кредит укçипе туяннă. Картиш тулли ĕне выльăх. Тин пăруланинчен пуçласа аш валли ÿссе çитĕнни таранах. Пурне те пăхмалла, пурне те апатлантармалла. Кил хуçисем мĕнлерех вĕтĕленнине курсан вĕсем выльăхсемшĕн кăна пурăннă пек те туйăнса каять. Сăмахăм Етĕрне районĕнчи Мăн Сĕнтĕр ялĕнче пурăнакан Константин ФИЛИППОВ фермер хуçалăхĕ пирки.
Хĕрлĕ Чутай районĕнчи Николай Лисаев фермер хуçалăхĕ çурхи акана тухас умĕн техника паркне çĕнĕ агрегатсемпе пуянлатнă. Иртнĕ кунсенче кунта МТЗ-892 тата МТЗ-892.2 йышши икĕ трактор, сеялка тата культиватор туяннă.
Фермер хăйĕн хуçалăхне аталантарас тĕллевпе чăх чĕпписене ÿстермелли цех тăвать. Строительство ĕçĕсем вĕçленсен унта пĕр талăкри чĕпсене 30 пин пуç илсе килесшĕн.
Шупашкар районĕнчи Ишлей ял тăрăх администрацийĕн специалисчĕсемпе культура ĕçченĕсем, пурĕ 27 çын, çулталăк пуçланнăранпа хăйсем ĕçлесе илнĕ укçана алла тытса кураймаççĕ. Сăлтавĕ - Шупашкар район администрацийĕн финанс пайĕ РФ Бюджет кодексĕн 242.5 статйин 7-мĕш пунчĕпе килĕшÿллĕн Ишлей ял тăрăх администрацийĕн шучĕ çине куçакан укçа-тенке тăкакламалла мар туни. Пĕлтĕр финанс пайне ЧР Арбитраж сучĕн йышăнăвĕпе килĕшÿллĕн пурнăçа кĕртмелли документ килнĕ. Ишлейсем Газпромăн Шупашкарти, районсен хушшинчи пысăк организаци умĕнче парăма, пурĕ 3 миллион та 600 пине яхăн тенкĕ, кĕнĕ.
Ыран турра ĕненекенсем çурхи пысăк уявсенчен пĕрне - Кăчăкă праçникне палăртаççĕ. Чиркÿ календарĕнче вăл "Турă Иерусалима кĕни" ятлă. Паян вара - Лазерь шăмат кунĕ. Иисус Лазере вилнĕ хыççăн тăваттăмĕш кунне чĕртнĕ.
Чăваш наци библиотекин "Кĕмĕл ĕмĕр" галерейинче çак кунсенче уçăлнă курав - Культура çулталăкĕнчи паллă пулăм. Унта Г.Камал ячĕллĕ Тутар патшалăх академи театрĕн тĕп ÿнерçин, Тутар Республикин халăх художникĕн Сергей Скомороховăн сценографи куравĕ уçăлчĕ.
Чăвашла верси
Русская версия
