Новости по теме

22 Ака, 2014

Кăçал ăçта çул тăвĕç, юсĕç?

«Хыпарăн» ака уйăхĕн 22-мĕшĕнчи номерĕнче журналист ыйтăвĕсене Чăваш Республикин транспорт тата çул-йĕр хуçалăхĕн министрĕ Владимир ФИЛИППОВ хуравларĕ. «Чăваш Республикин 2014 çулхи, малашлăх тапхăрти 2015 тата 2016 çулсенчи бюджечĕ çинчен» саккунпа килĕшÿллĕн республикăра 2014 çулта тума тата реконструкцилеме палăртнă, регион, муниципалитетсен хушшинчи пĕлтерĕшлĕ автомобиль çулĕсен проекчĕсене пурнăçламашкăн укçа мĕн чухлĕ уйăрни çинчен каласа пачĕ. Интервьюра хăш-хăш районта кăçал çул тăвас тĕлĕшпе ĕç мĕнлерех пынипе тĕплĕн паллаштарчĕ. Сирĕн районта çул хывма палăртман-и?

Хула
22 Ака, 2014

Чăваш чĕлхи – чĕкеç чĕлхи

Çамрăк ăрăва çирĕп пĕлÿллĕ, тивĕçлĕ шайра пăхса ÿстерес ĕçре тăван чĕлхене вĕрентни пысăк пĕлтерĕшлĕ. Вĕренекенсен пуплевне аталантарасси, ачасене сăмахсемпе вырăнлă та тирпейлĕ усă курма вĕрентесси тата вĕсен сăмах йышне пуянлатасси - тăван чĕлхе вĕрентес ĕçĕн тĕп тĕллевĕсем. Çав тĕлĕшпе «Чĕвĕлти чĕкеç» вăйă тÿпи çав тери пысăк: ача яланах çĕннине, урокра вĕрентменнине, пĕлме тăрăшать. Кăсăк та шÿтлĕ ыйтусем ачасен пуплев культурине ÿстерме пулăшаççĕ, сăмахсемпе тата фразеологизмсемпе, грамматика формисемпе тата синтаксис конструкцийĕсемпе тĕрĕс усă курма вĕрентеççĕ.

Культура
22 Ака, 2014

Строительсем хĕрÿ ĕçре

Вăрмар поселокĕнче 145 вырăнлăх ача сачĕ çĕкленет. Хальхи тапхăрта çурт тăррине витеççĕ, шалти стенасене штукатурка тăваççĕ, элктричество çути кĕртессипе, сантехника хатĕрĕсем вырнаçтарассипе ĕçлеççĕ. Строительствăра 38 çын вăй хурать, техника та пулăшать. Паянхи кун т.лне 30 миллион ытла тенкĕлĕх ĕç пурнăçланă.

Аса илтерер, ача садне иртнĕ çулхи раштав уйăхĕнче тума пуçланă.

 

Вĕрентÿ
22 Ака, 2014

Каллех - фанфурик

Арçын пĕр сăмах чĕнмесĕр сутуçă умне ывăç тулли вак укçа кăларса хучĕ. Лешĕ те сăмах хушмасăр икĕ пĕчĕкçĕ кĕленче кăларса лартрĕ. Лутăрканчăк сăн-питлĕ арçын вĕсене самантрах шăлавар кĕсйине персе чикрĕ. Унтан чÿрече умĕнчен лÿперрĕн пăрăнса аптекăран тухса кайрĕ.

Нумаях пулмасть Шупашкарти тăватă фармацевт пĕрлешĕвĕ ăнланса килĕштерсе ĕçлемелли çинчен калакан меморандума алă пуснă. 50 миллилитртан ытларах спирт шăнăçакан «фанфурик» сутма пăрахăçласса пĕлтернĕ.

Хула
22 Ака, 2014

15 район акана тухнă

Кунсем хĕвеллĕ те ăшă тăнăран çĕр хăвăрт типет. Хресчен тăпрари нÿрĕкпе вăхăтра усă курасшăн. Патăрьелсемпе Пăрачкавсем тырă акма тухни çинчен маларах пĕлтернĕччĕ. Иртнĕ эрне вĕçĕнче вара çак ĕçе тата 13 район хушăнчĕ. Элĕк, Куславкка, Хĕрлĕ Чутай, Муркаш, Çĕрпÿ тата Сĕнтĕрвăрри енсем те çĕр пулса çитсенех хире тухĕç.

Ял хуçалăхĕ
21 Ака, 2014

Ӳнерпе сиплеççĕ

Иртнĕ эрнере хула 1-мĕш клиника больницинчи инсульт хыççăн сипленекенсен реабилитаци уйрăмĕнче "Искусство терапийĕ" пӳлĕмĕ уçăлчĕ. Унта специалистсем пуç мими, нерв чирĕсемпе нушаланакансене ӳнерĕн тĕрлĕ тĕсĕпе усă курса сиплеççĕ. Ку çĕнĕлĕх ЧР Сывлăх сыхлав министерстви, республикăри Хĕрарăмсен канашĕ тата Чăваш патшалăх пукане театрĕ пуçарăвĕпе килĕшӳллĕн пурнăçа кĕчĕ.

Лайăх та савăк кăмăл-туйăм чир-чĕре парăнтарма пулăшни никамшăн та вăрттăнлăх мар. Проект авторĕсем сусăрсене амакпа кĕрешме вăй-хал парнелес, сывă пурнăçа тавăрас тĕллев лартнă.

Сывлăх
21 Ака, 2014

Чăваш чунлă Уяр

Ака уйăхĕн 19-мĕшĕнче Чăваш халăх писателĕ Хветĕр Уяр çуралнăранпа 100 çул çитрĕ. Унăн сумлă ячĕ халăх асĕнчен нихăçан та тухмĕ.

Чăваш хутлăхĕнче Уяртан Уяр тăваканни вăл - "Таната" кĕтрет. Каччă чухнех ĕçлеме пуçланă та ку произведенипе - мĕн ватăличченех унăн чăваш чунлă çуртне купалама пăрахман.

Культура

Pages

Хыпарсем