Паян ЧР ĕçлев министрĕ Алена Елизарова çуллахи вăхăтра 14-18 çулсенчи ачасене вăхăтлăха ĕçе вырнаçтарасси пирки журналистсемпе пресс-конференци ирттерчĕ. Ҫак кун тӗлне республикăри 6963 çамрăка вăхăтлăх ĕçе вырнаçтарнă. Халăха ĕçпе тивĕçтерекен центр урлă ĕçе вырнаçакан ачасене уйăхне шалусăр пуçне 2417 тенкĕ пособи параççĕ.
Чăваш кĕнеке издательстви издательство çĕнĕлле ĕçлесе хăй кăларакан кĕнекесен пахалăхне куллен лайăхлатма тăрăшать. Çапах та чи пĕлтерĕшли — вĕсен ĕçне вулакан епле хаклани.
Сирĕн çак ыйтусене хуравласа шухăшăрсене уççăн пĕлтерме май пур.
Вĕсене издательство малашнехи ĕçре шута илсе тата лайăхрах кĕнекесем кăларма тăрăшĕ.
Ыйтусем патне çак каçăпа куçмалла
https://chuvbook.ru/news/opros
Тунтикунхи канашлура Чăваш Ен Мускаври ВДНХри «Раççей» курава хутшăннине сӳтсе явнă. Министерствăсен хыççăн эстафетăна Патăрьелсем йышăннă.
Тунтикунхи канашлура çур аки ыйтăвĕпе вице-премьер — ял хуçалăх министрĕ Сергей Артамонов сăмах илчĕ. Акса-лартса хăварнă анасен пĕтĕмĕшле лаптăкĕ кăçал 546,1 пин гектарпа танлашмалла — пĕлтĕрхи чухлех. Çурхи культурăсен лаптăкĕ — 310,5 пин гектара яхăн. Кăçал акана чи малтан Пăрачкав округĕнче тухнă — пĕлтĕрхинчен 9 кун каярах юлса. Сергей Геннадьевич акана виçĕм çул та çак кун пуçланине аса илтерчĕ: «Ун чухне тыр-пул рекорд шайĕнче пулчĕ, çавна май кăçал та тухăç пысăк пуласса шанатпăр».
Уявсем тата ĕççи — пĕрремĕш вице-премьер - финанс министрĕ Михаил Ноздряков тунтикун ĕç тăвакан влаç органĕсен тата муниципалитетсен ертӳçисемпе ирттернĕ канашлура вĕсем тавра калаçу пулчĕ.
Нумай ачаллă çемьесене пулăшасси, пушар тата çăлав службисен ĕçченĕсене — хушма тӳлевпе, медиксене саплаштару укçипе хавхалантарасси — çак тата ытти ыйту Министрсен Кабинечĕн юнкун ЧР Пуçлăхĕ Олег Николаев ертсе пынипе иртнĕ ларăвĕн кун йĕркинче пулчĕç.
Пĕлтĕрхи пекех — кăçал та промышленноç ӳсĕмлĕ ĕçлет. Çакăн çинчен ЧР Пуçлăхĕ Олег Николаев тунтикун ĕç тăвакан влаç органĕсен тата муниципалитетсен ертӳçисемпе ирттернĕ канашлура тĕплĕ калаçу пулчĕ.
Студентсем журналистсене тимлӗ итлерӗҫ, хӑйсене кӑсӑклантаракан темӑсене хускатса ҫивӗч ыйтусем пачӗҫ. Ҫакнашкал тӗлпулусем ирттерни ҫамрӑксене професси суйлама та пулӑшӗ.
Унта республика ертӳҫи Олег Николаев, РФ Патшалӑх Думин депутачӗсем Анатолий Аксаков, Алла Салаева хутшӑнчӗҫ.
Ҫӗнӗ шухӑшсем, ҫивӗч ыйтусене татса пама кирлӗ ҫӗнӗ меслетсем паянхи саманара уйрӑмах кирлине, 2020-2025 ҫулсенчи программӑпа килӗшӳллӗн мӗнле проектсене пурнӑҫа кӗртме май килнине палӑртрӗ Олег Алексеевич.
Кунта паян экономикӑн, транспортӑн, промышленноҫпа энергетикӑн, АПКн тӗрлӗ отраслӗпе ҫыхӑннӑ проектсемпе, малашне пурнӑҫлама палӑртнӑ ӗҫсемпе паллаштараҫҫӗ.
Чăвашла верси
Русская версия
