Вера ТИТОВА хатĕрленĕ.

29 Çĕртме, 2020

Вуланакан кĕнекене суйлаççĕ

Чăваш Ен Наци библиотеки пĕр ĕмĕрти чи вуланакан кĕнекене палăртма сасăлав йĕркеленĕ. Çĕнтерÿçĕ-кĕнеке ятне кăçалхи юпа уйăхĕнче пĕлĕпĕр.

«Литературăллă Чăваш Ен: çĕр çуллăхри чи вуланакан кĕнеке» ята илессишĕн ирттерекен референдума 100 кĕнеке хутшăнать. Хальлĕхе малти пилĕк вырăна Александр Артемьевăн «Салампи», Константин Ивановăн «Нарспи», Леонид Агаковăн «Ылтăн вăчăра», Никифор Мраньккан «Ĕмĕр сакка сарлака», Илпек Микулайĕн «Хура çăкăр» хайлавĕсем лекнĕ.

Культура
Хыпар
кĕнекесем
29 Çĕртме, 2020

Раççейри студентсем Шупашкарта ăмăртĕç

Шупашкарта Пĕтĕм Раççейри студентсен II вăййи иртмелле. ЧР Спорт министерстви пĕлтернĕ тăрăх, спортăн наци тата олимп мар енĕсемпе ăмăртакан çамрăксем Шупашкара авăн уйăхĕн вĕçĕнче килĕç.

Студентсен ăмăртăвне республикăмăр пуçласа пĕлтĕр, çурла уйăхĕнче, йышăннăччĕ. Унта Раççейĕн 17 регионĕнчи 250 студент ăмăртнăччĕ. Тупăшăва Якут, Бурят республикисенчи, Тюмень, Омск облаçĕсенчи спорстменсем те çитнĕччĕ.

www.hypar.ru Cap.ru сăн ÿкерчĕкĕ.

Спорт
Хыпар
ăмăртусем
çамрăксем
8 Çĕртме, 2020

Реабилитаци хатĕрĕсене илме çăмăлрах пулĕ

Чăваш Енри сусăрсене электроприводлă кресло-кÿме, ура валли ятарлă аппарат, çурăм шăммине тытакан хатĕр илме ÿлĕмрен çăмăлрах пулĕ.

Раççей Ĕç министерстви нумаях пулмасть çĕнĕ йĕрке йышăннă. Унта палăртнă тăрăх, сусăрсен хăйсене куллен кирлĕ реабилитаци хатĕрсене ылмаштариччен вĕсене медицинăпа техника экспертизине ярса вăхăт ирттерме тивмĕ. «Ортезсен 90 процентне пĕрех юсама май çук», – тенĕ Раççей ĕç тата социаллă хÿтлĕх министрĕ Антон Котяков çĕнĕ йĕркене йышăннин сăлтавне уçăмлатнă май.

Сывлăх
Хыпар
пулăшу
8 Çĕртме, 2020

Суйса пособи илсен явап тыттарĕç

Чăваш Ен Ĕç тата социаллă хÿтлĕх министерстви пĕлтернĕ тăрăх, ĕçсĕрлĕх центрĕсенче учета тăракансем хушшинче улталакансем тĕл пулаççĕ.

Кăçалхи кăрлач-çу уйăхĕсенче 39 çын ĕçсĕрлĕх пособине суйса илнĕ. Вĕсене 248,6 пин тенкĕ пособи тÿленĕ. Ултав çиеле тухсан 197,5 пин тенкине бюджета тавăрса панă. Ытти укçана та шыраса илĕç.

Пулса иртни
Хыпар
укçа-тенкĕ
ултав
8 Çĕртме, 2020

Тăлăхсене – çемье ăшши

Чăваш Енри ача çурчĕсенче пурăнакансене çуллахи каникулта çемьене илме юрать. Çакна тăлăхсем кил ăшшине туйччăр, унти йăла-йĕркене ăша илччĕр тесе тăваççĕ.

Ача çуртĕнче темле лайăх пăхсан та килтине çитес çук. Хысна çуртĕнче ялан пурăнни йăлăхтарать. Каникул вăхăтĕнче тăлăхсене ют çынсемех вăхăтлăха хăйсен хÿттине илейĕç. Ун валли ача çуртне çитсе заявлени çырмалла, коронавируспа чирлеменнине ĕнентерекен справка тăратмалла.

www.hypar.ru obrazov.cap.ru сăн ÿкерчĕкĕ.

Кун хыççăн кун
Хыпар
ачасем
çемьесем

Pages