Вера ТИТОВА хатĕрленĕ.

29 Çĕртме, 2020

Счетчик ылмаштарĕç

Утă уйăхĕн 1-мĕшĕ хыççăн нумай хваттерлĕ çуртсенче электроэнерги счетчикĕсене ылмаштараççĕ. Çĕнĕрен вырнаçтарнисем счетчик кăтартăвне хăйсемех кирлĕ çĕре çитерĕç. Çутă укçипе парăм пулсан ăслă счетчик электроэнерги парассине чарса лартайĕ.

Нумай хваттерлĕ çĕнĕ çуртсенче тÿрех çĕнĕ йышши счетчиксем вырнаçтарĕç. Киввисенче майĕпен ылмаштарĕç. Уншăн укçа тÿлемелле мар.

www.hypar.ru goszhil.cap.ru căн ÿкерчĕк.

Потребителе
Хыпар
29 Çĕртме, 2020

Пуçлăх шыраççĕ

Республикăри икĕ организаци валли пуçлăх шыраççĕ.

ЧР Финанс министерстви «Республикăн бухгалтер учечĕн центрĕ» хысна учрежденийĕн ертÿçине ĕçе илессине пĕлтернĕ. Вăл çын экономика пĕлĕвĕллĕ пулмалла, финанспа бухгалтери енĕпе ĕçленине тата ертсе пыракан должноçсенче 5 çултан кая мар тăрăшни кирлĕ. Конкурса хутшăнакансен докуменчĕсене утă уйăхĕн 16-мĕшĕччен йышăнĕç.

Кун хыççăн кун
Хыпар
ĕç вырăнĕсем
Çĕрпÿ районĕ
тÿре-шара
29 Çĕртме, 2020

Выльăх апачĕ хатĕрлеççĕ

Республикăри ял хуçалăх предприятийĕсенче ĕççи пырать. Паян хуçалăхсем утă тата симĕс апат хатĕрлессипе çине тăраççĕ.

Утă çинче Куславкка, Шăмăршă тата Çĕмĕрле районĕсем уйрăмах хастар. Вĕсем утă уйăхĕн 26-мĕшĕ тĕлнех планпа пăхнин 70 ытла проценчĕ чухлĕ çĕнме ĕлкĕрнĕ. Вăрнар, Шупашкар, Елчĕк районĕсем те хăвăрт ĕçлеççĕ.

ЧР Ял хуçалăх министерстви пĕлтернĕ тăрăх, сенаж хатĕрлеме 20 районта пуçăннă, силоса 3 районта янтăлаççĕ.

Ял хуçалăхĕ
Хыпар
ĕççи
29 Çĕртме, 2020

Уртаракан чир тупăннă

Муркаш районĕнчи Çĕлеменкасси ялĕнче выльăх-чĕрлĕхе уртаракан чир тупса палăртнă. Ç ĕртме уйăхĕн 27-мĕшĕнче çавна май ялта карантин тесе йышăннă. Ку йышăнăва республика Пуçлăхĕн тивĕçĕсене вăхăтлăх пурнăçлакан Олег Николаев алă пуснă. Çĕлеменкассинчи карантин вăхăчĕ чире асăрханă хыççăн икĕ уйăха пырĕ.

Вырăнти Москакасси ял тăрăхĕн пуçлăхĕ Денис Кириллов çак йĕркесен авторне пĕлтернĕ тăрăх, Çĕлеменкассинчи пĕр çемье ăратлă икĕ йытă çури туяннă. Вĕсенчен пĕри вилсен экспертиза тутарнă. Анчăк урнă чирпе чирлени палăрнă.

Кун хыççăн кун
Хыпар
карантин
Муркаш районĕ
Çĕлеменкасси
29 Çĕртме, 2020

Ултă çĕрте газ пăрăхĕ сарĕç

Кăçал пирĕн республикăн тĕрлĕ кĕтесĕнчи ултă вырăнта газ пăрăхĕ сарма палăртнă. Вăл 16 километр тăршшĕ ытла пулĕ. Ĕçе «Газпром газораспределение Шупашкар» акционерсен обществи «Çурт-йĕрпе коммуналлă хуçалăха модернизацилесси тата аталантарасси» программăпа килĕшÿллĕн пурнăçлĕ. Строительство валли предприяти 32 миллиона яхăн тенкĕ уйăрĕ.

Потребителе
Хыпар
газификаци

Pages