ĕç вырăнĕсем

14 Кăрлач, 2021

«Чăвашкино» директорне суйлĕç

«Чăвашкино» патшалăх киностудийĕн тата электрон документаци архивĕ» бюджет учрежденийĕ валли директор шыраççĕ.

Асăннă предприятин унчченхи пуçлăхне Андрей Абдюшева нумаях пулмасть ĕçрен кăларнă. Ун тĕлĕшпе уголовлă ĕç пуçарнă. Халĕ республикăн Культура, национальноçсен ĕçĕсен тата архив ĕçĕн министерстви конкурс ирттерессине пĕлтернĕ. Тилхепене тытас ĕмĕтлĕ кандидатăн аслă пĕлÿллĕ пулмалла, культура енĕпе е кинопрокат ĕçĕнчи ертсе пыракан должноçсенче ĕçленĕ опыт 5 çултан кая мар кирлĕ.

29 Çĕртме, 2020

Пуçлăх шыраççĕ

Республикăри икĕ организаци валли пуçлăх шыраççĕ.

ЧР Финанс министерстви «Республикăн бухгалтер учечĕн центрĕ» хысна учрежденийĕн ертÿçине ĕçе илессине пĕлтернĕ. Вăл çын экономика пĕлĕвĕллĕ пулмалла, финанспа бухгалтери енĕпе ĕçленине тата ертсе пыракан должноçсенче 5 çултан кая мар тăрăшни кирлĕ. Конкурса хутшăнакансен докуменчĕсене утă уйăхĕн 16-мĕшĕччен йышăнĕç.

18 Кăрлач, 2019

Ăнлантарса пани

Чăваш Ен Пуçлăхĕ кăрлачăн 17-мĕшĕнчи хушăвĕпе федерацин «Коррупципе кĕрешесси çинчен» тата ытти саккунĕнче палăртнă чарусене, интерессен конфликчĕсене сирме ыйтнине пăхăннине, должноç тивĕçĕсене пурнăçланине тĕрĕсленĕ тапхăрта Чăваш Республикин Министрсен Кабинечĕн Председателĕн заместительне — экономика аталанăвĕн, промышленноç тата суту-илÿ министрне Владимир Аврелькина должноçран хăтарнă.

24 Раштав, 2018

Республика ертÿçи Правительствăри çĕнĕ çынпа паллаштарнă

Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва ЧР Пуçлăхĕ Михаил Игнатьев Правительствăри çĕнĕ çынпа паллаштарнинчен пуçларĕ. Вăл — Алексей Грищенко, строительство министрĕн тивĕçĕсене пурнăçлама тытăнать.

Pages