Сумлăран та сумлă ентешĕмĕр, чăваш ятне çăлтăрсем патне çĕкленĕ Андриян Николаев çÿл тÿпене улăхнăранпа 55 çул çитнине республикăра сумлăн уявлама хатĕрленеççĕ.
Чăваш Енĕн прокуратури Тăвай районĕнче пурăнакан нумай ачаллă çемьене хÿтĕленĕ. Надзор органне çитме 30 тăваткал метрлă пÿртре саккăррăн хĕсĕнсе пурăнни хистенĕ.
Чăваш Енре фельдшерпа акушер пункчĕсене тата пĕтĕмĕшле практика врачĕсен офисĕсене малалла аталантарасшăн.
Шупашкар хула кунне уявланă май çурла уйăхĕн 19-мĕшĕнче Шупашкарта В.И. Чапаев ячĕллĕ скверта "Чапай чей ĕçме чĕнет" проекта хутшăнма йыхравлаççĕ. Вăл 13 сехетрен пуçласа 15 сехетчен пырĕ.
Паян Улатăр хули 465 çулхине уявланă май унта "Ылтăн ухă йĕнни" халăх промыслисен тата ремеслисен конкурсне ирттернĕ. Курава Мордва, Тутарстан республикисенчи, Чулхула облаçĕнчи тата тăван республикăмăрти ăстасем хутшăннă.
Курава Улатăрти ÿнер шкулĕнче вĕренекен ачасем тата асăннă вĕренÿ заведенийĕн преподавателĕ Елена Николаева та хăйсен ĕçĕсене тăратнă. Ачасем йывăçран касассипе маттур пулсан, Елена Николаева пуканесем ăсталать. Ылтăн алăллă преподаватель маçтăр-класс та ирттернĕ.
Чăвашла верси
Русская версия
