Нумаях пулмасть Челябинскра коньки спорчĕн Раççейри первенстви иртнĕ. Унта пирĕн республикăн маттур яш-хĕрĕ те хутшăннă. Хутшăннă çеç мар, çитĕнÿпе таврăннă.
Паян Чăваш Енĕн экономика аталанăвĕн, промышленноçăн тата суту-илĕвĕн министрĕн заместительне Виталий Емельянова ĕçрен хăтарнă. Хушăва республикăн Министрсен Кабинечĕн Председателĕ Иван Моторин алă пуснă.
Çуркунне çывхарнă май çурт-йĕрпе коммуналлă хуçалăх предприятийĕсемшĕн тепĕр яваплăх хушăнать: çивиттине юртан тата пăртан тасатмалла. Çак ĕçе вăхăтра пурнăçламаннине пула инкек сиксе тухасси те часах.
Ĕнер, нарăс уйăхĕн 26-мĕшĕнче, Шупашкарти "Спартак" спорт шкулĕнче волейбол турнирĕ иртнĕ. Унта ялсенчи çамрăксем пуçтарăннă. Владислав Ильин вице-адмиралăн парнисене тата ятран хатĕрленĕ медалĕсене çĕнсе илессишĕн республика шайĕнче пуçласа йĕркеленĕ ăмăртăва Комсомольски, Шупашкар, Канаш, Тăвай районĕсенчи çамрăксем хутшăннă.