"ЮНАРМИЯ" Пӗтӗм Раҫҫейри ачасемпе ҫамрӑксен ҫарпа патриотла общество юхӑмӗн Чӑваш Енри уйрӑмӗнче тӑракансем Аслӑ Ҫӗнтерӳ пулнӑранпа 75 ҫул ҫитнине халалланӑ конкурссене, акцисене хастар хутшӑнаҫҫӗ
Канмалли кунсенче интернет уҫлӑхӗнче шахматла выляссипе пӗтӗм тӗнчери ача-пӑча онлайн турнирӗ иртнӗ. Ӑна Чӑваш Енри Шахмат федерацийӗ "Шахмат планети" онлайн-лапамра йӗркеленӗ. (chessking.com)
Ҫамрӑк шахматистсен интерактивлӑ форматпа иртекен икӗ эрнелӗх ӑмӑртӑвӗсем Чӑваш Еншӗн ют мар. Хальхинче вӑл ытти ҫӗршывран та хутшӑнакансем пулнипе уйрӑлса тӑрать: Австри, Бразили, Узбекистан... Ҫавӑн пекех - Раҫҫейри 20 регион. Пурӗ - 200-е яхӑн хутшӑнакан. Спортсменсен ӳсӗмӗ - 9-15 ҫул.
Паянхи кун культура учрежденийӗсем онлайн-кӑтарту мелӗпе час-часах усӑ кураҫҫӗ. Шкул ачисем те тӑтӑшах онлайн-ҫул ҫӳреве тухаҫҫӗ.
Ҫут ҫанталӑка упрасси пирки Чӑваш Енре нумай тӑрӑшаҫҫӗ. Эковолонтерсем йышланни те ҫакнах ҫирӗплетет. Йывӑҫ лартассине те пысӑк тимлӗх уйӑраҫҫӗ кунта. Вӑрман - ҫӗр ӳпки теҫҫӗ.
Чӑваш чӗлхи кунӗ ҫывхарса пынӑ май республикӑри ача сачӗсенче "Халӑх культурин фестивалӗ" пуҫланчӗ. Ҫавӑн пекех ӑна Чӑваш автономийӗ йӗркеленнӗренпе 100 ҫул ҫитнине халалланӑ.
Чӑваш халӑхӗн культура пуянлӑхне, йӑли-йӗркине упраса хӑварас, аталантарас тӗллевпе Чӑваш чӗлхи кунне халалланӑ "Халӑх культурин фестивалӗ" ҫулленех иртет.
Чăвашла верси
Русская версия
