Ыттисем пек пулманни килте тунсăхласа çеç пурăнмаллине пĕлтермест. Çакна педагогсем аван ăнланаççĕ, çавăнпа пур ачана та кăсăклă мепроприятие хутшăнтарма май тупаççĕ.
Иртнĕ эрнере Мускав облаçĕнчи Видное хулинче Тухăç çар кĕрешĕвĕн Сетокан енĕпе Раççей чемпионачĕ вĕçленнĕ.
40 регионтан килсе çитнĕ 88 спортсмен хушшинче Шупашкарти "Будокан" клуба çӳрекен Александр Аввакумов кĕмĕл медале тивĕçнĕ. 16-20 çулсенчи юниорсен ушкăнĕнче Виктор Фомиряковпа Богдан Авдеев 1-мĕш 2-мĕш вырăнсене çĕнсе илнĕ.
Крым кĕперĕ Керчь районне Кубаньпе пĕрлештерет. Çакăн валли 4 çул кирлĕ пулчĕ. Ку калама çук пысăк ĕç шутланать. Крым кĕперне çĕкленĕ çĕре хутшăннисене Раççей Президенчĕ Владимир Путин ĕнер, пуш уйăхĕн 18-мĕшĕнче, чысланă.
Шупашкарти "Мостотряд-41" территори фирмин ĕçченĕсем те çак хисепе тивĕçнĕ.
Хĕрлĕ Чутайри ача-пăча пултарулăхĕн çуртне çÿрекен Юлиана Никифорова /ертÿçи — хушма пĕлÿ паракан педагог Татьяна Горбунова/ ача-пăча пултарулăх ĕçĕсен «Золотые кружева России» ăмăртăвне хутшăннă. Ку телекурав конкурсĕ кăçалхи пуш уйăхĕн 6-мĕшĕнчен пуçласа çу уйăхĕн 5-мĕшĕччен пĕрремĕш хут иртнĕ. Ăна «Медиа покорение» продюсер центрĕ «Будильник» ача-пăча интернет телеканалĕпе пĕрле йĕркеленĕ. Юлиана конкурсра 1-мĕш степеньлĕ «кĕмĕл» лауреат пулса тăнă. Жюри вăл хатĕрленĕ тухьяна хакланă, ăсталăхĕнчен тĕлĕннĕ.
Чăвашла верси
Русская версия
