Вăт ку спортсмен тăк спортсмен! Пĕр талăк чупнă вĕт! Канаш хулинче çуралса ÿснĕ Василий Дюкин Череповец хулинче иртнĕ ăмăртура палăрнă.
Спортсменсем 1, 3, 6 тата 12 сехет чупнă. Хăшĕ-пĕри 100 метра парăнтарнă. Чи чăтăмлисем вара пĕр талăк чупнă. Шăпах çак тупăшура Василий Дюкин мала тухнă. 58 çулта теме те çук ăна! Вăл 24 сехетре 184 километра парăнтарнă.
«Хыпар» Издательство çурчĕ Пĕтĕм Раççейри турнира ирттерессине йăлана кĕртнĕ. Кăçал вăл юпа уйăхĕн 20-22-мĕшĕсенче Шупашкарти «Спартак» спорт керменĕнче иртĕ.
Элĕк районĕнчи Мăн Вылăра тĕпленнĕ Клавдия Ермолаевăпа Семен Никифоров пĕрлешсен ача-пăча çуратса ура çине тăратма ĕмĕтленнĕ. Çулсем пĕрин хыççăн тепри ылмашăннă, анчах çуртра ача сасси илтĕнмен. 44 çул хыçа юлнă. Мăшăр тăлăха усрава илме шухăшланă.
Çапла, Шупашкар чи ырă хуласен рейтингĕнче малти вырăнсенчен пĕрне йышăннă. Вăл Мускава, Дон çинчи Ростова, Чулхулана хыçа хăварса 7-мĕш йĕркене вырнаçнă.
Рейтинга хатĕрленĕ чухне Пĕтĕм Раççейри экологи акцийĕн çуркуннехи тапхăрĕн пĕтĕмлетĕвне шута илнĕ. Чи ырă хула — Санкт-Петербург. Иккĕмĕш вырăна Химки йышăннă, виççĕмĕшне вара — Кронштад. Малалли йĕркесенче — Хусан, Чĕмпĕр, Уссурийск, Шупашкар. Акци йĕркелÿçисем палăртнă тăрăх, çак хуласенче пурăнакан çынсем экологи мероприятийĕсене ытларах ирттернĕ.
Шăл шуратма кам патне каймалла тетĕр-и? Ксения Сергеева патне. Нумаях пулмасть, çĕртме уйăхĕн 12-13-мĕшĕсенче, Белгородра стоматологсен профессионал ăсталăхĕн Пĕтĕм Раççейри чемпионачĕ вĕçленнĕ.
Чăвашла верси
Русская версия
