Ульяновск облаçĕнчи Чăнлă районĕнчи Аслă Нагаткино шкулĕнче вĕренекен Люба Сультеева — нумай пĕлме тăрăшакан хĕр ача. Вăл шкул программипе кăна çырлахмасть, тавра пĕлÿпе кăсăкланать. Пултаруллă пике — облаçри чăваш тавра пĕлÿçисен пĕрлĕхĕн хастарĕ. Гуманитари ăслăлăхĕсене тарăнрах вĕренме тăрăшнă май тĕпчев ĕçĕ нумай ирттерет вăл.
Пирĕн шкулта интереслĕ курав иртрĕ. Ăна Шупашкарти ентеш, отставкăри подполковник Петр Капитонов, илсе килчĕ. Вăл нумай çул çарти рационализаци тата тĕпчев ĕçĕсемпе кăсăкланнă, 50 ытла изо¬бретени авторĕ. Паллă ентеш 9 медале тивĕçнĕ. Тивĕçлĕ канăва тухсан та вăл вăхăта ахаль ирттермест. Электромеханика тата электричество теттисемпе ачасене кăсăклантарать. Шупашкарти ача-пăча пултарулăх керменĕнче те нумай çул кружок ертсе пынă.
Нумаях пулмасть Чĕмпĕрте иртнĕ «Атăлçи тăрăхĕнчи ăнăçлă çемье» фестиваль-конкурс пиллĕкмĕш хутчен иртнĕ. Унта Чăваш Ен чысне Çĕнĕ Шупашкарта пурăнакан Кузнецовсем хÿтĕленĕ. Вĕсем «Яваплă ашшĕ-амăшлăх» номинацире çĕнтернĕ. Андрейпа Алевтинăн — виçĕ ача. Асли Максим Çĕнĕ Шупашкарти 19-мĕш шкулта — 5-мĕш класра, вăталăххи Ульяна 2-мĕш класра вĕренеççĕ. Кĕçĕнни Матвей — 1,3 çулта.
Москакасси шкулĕн ачисем картингпа туслă тенине илтсен кунта тĕлĕнмеллиех çук-ха тесе шухăшларăм, çапах та ачасен чун киленĕçĕ пирки ыйтса пĕлесех терĕм. Вĕсем машинăсем пирки калаçма тытăнсан тинех хам йăнăша ăнлантăм: эпĕ «картинг» сăмаха «карвингпа» /улма-çырлана е пахча çимĕçе илемлетсе каскаласси/ пăтраштарнă иккен!
Ку шкул халăх ташшин «Калинка» ансамблĕпе те паллă. Ертÿçи Ирина Петрова çак ĕçре 23 çул тăрăшать. Темиçе пултарулăх ушкăнĕ те вĕрентсе кăларнă вăл. Ачасем «Калинкăна» 1-мĕш класранпах çÿреççĕ, район, хула, республика, Раççей, тĕнче шайĕнчи конкурссене те хутшăнаççĕ. «Кăçал çаксем витĕр йăлтах тухрăмăр. Çĕнтерме тĕллев лартрăмăр та пурнăçларăмăр вара», — пĕлтерчĕ Ирина Васильевна.
Шкулти акт залĕнче ачасен ал ĕçĕсенчен курав йĕркеленĕ. Çамрăк ÿнерçĕсем темĕнле майпа та картина ăсталанă. Сăрăпа кăна мар, тĕрĕ çиппипе, вĕтĕ шăрçапа та усă курнă вĕсем.
Йăлтăртатакан картинăсем
Паттăрлăх валли яланах вырăн пур. Аслисем кăна мар, ачасем те ку енĕпе палăраççĕ. Йывăр лару-тăрура çухалса каймасăр çынна вилĕмрен çăлнă тĕслĕхсем пирĕн республикăра та пур. Тĕрлĕ çулсенче паттăрлăх кăтартса Раççейĕн «Вĕри чĕре» кĕнекине кĕме тивĕçнĕ паттăрсемпе паллаштаратпăр.
Пулла кайсан
Ялсенче купăс калама пĕлекен сахалланса пырать. Уйрăмах аслă ăру çыннисене кулянтарать ку. Вĕсен вăхăтĕнче купăс калама пĕлекен арçын ача килĕрен тенĕ пек пулнă-çке. Халĕ пур çĕрте те эстрада вăй илет. Çапах та Çĕмĕрлере хуткупăсăн чĕрĕ сасси янăрама пăрахман-ха.
«Çутта» тухасшăн
Чăвашла верси
Русская версия
