Archive - Авăн 2019 - Çамрăксен хаçачĕ

* Хăш-пĕр чăваш эстрада артисчĕ урăх халăх юррисене чăвашлатни, кĕввисене «вăрлани» вăрттăнлăх мар.

Шупашкарта кун кунлакан Ирина Павлова — тавралăх вараланнишĕн, унта-кунта çÿп-çап выртнишĕн питĕ пăшăрханакан çын. Кăнтăр-хĕвел анăç районĕнчи вăрманта унăн тăтăш пулма тивет: дача унта вырнаçнă.
«Кирек мĕнле йĕркеллĕ çын пекех çут çанталăка юрататăп. Дачăна çÿренĕ чухне чун хурланать. Йĕри-тавра çÿп-çап йăванать. Хăçанччен çакна чăтса пурăнмаллаччĕ? «Çитет!» — теес килетчĕ. Пĕрмай сурчăк сирпĕтсе путсĕрсене вăрçнипе, çÿп-çап урлă каçса малалла утнипе усси çук. Пĕшкĕнсе хутаçа чиксен усăллăрах мар-и?» — шухăшне пайларĕ 52 çултискер.

Кирек мĕнле çанталăкра та вăл кашни кун ирхи 5 сехетре — Кÿкеçри стадионта. Ирсерен 10 çаврăм утса тухассине йăлана кĕртнĕ. 89-ти Николай Баринова мучи теме чĕлхе çаврăнмасть, питĕ йăрă та хастар. Пуриншĕн те вăл кунта — «Дядя Коля». Утнисĕр пуçне чупать, тренажерсем çинче хăнăхтарусем тăвать. «Ватă çыннăн курпун тухма пултарать, çавăнпа хытă сак çинче ытларах выртмалла. Акă эпĕ те хăмана чалăштаратăп та ун çине выртса кĕлеткене 6 хутчен çĕклетĕп», — шÿтлет Коля пичче.

* «Камера! Мотор! Пуçларăмăр!» сăмахсемпе, ахăртнех, кашни кинофильм, тепĕр чухне — киношедевр, ÿкерме тытăнаççĕ. Кам ÿкерÿ лапамĕнче пулса курнă, çав пĕлет. Пулас кинокартинăна калăпланине сăнамашкăн пурне те ăнмасть, манăн вара хамăн куçпа курмашкăн май пулчĕ.

Раççейре «Экологи» наци проекчĕпе килĕшÿллĕн 11 федераци проекчĕ пурнăçланать. Çак йышран 8-шне Чăваш Ен хутшăнать. Кăçал ку наци проектне пурнăçлама федераци бюджетĕнчен 49,6 млрд тенкĕ уйăрма палăртнă, республика бюджетĕнчен — 52 млн тенкĕ. «Экологи» проекта пурнăçа кĕртнĕ май Чăваш Енре хытă каяшсен 17 купине, вĕсенчен 11-шĕ хуласенче вырнаçнă, пĕтересшĕн. 7 районта çÿп-çап йышăнакан станци хута ярасшăн.

*45-мĕш Тĕнче чемпионачĕн волонтерĕсем иртнĕ эрнере Шупашкарти Çамрăксен пуçарăвĕсен центрĕнче ЧР вĕрентÿпе çамрăксен политикин министрĕн заместителĕпе Алексей Гурьевпа тата журналистсемпе тĕл пулчĕç.

«Патшалăх нумай ачаллă çемьесене пулăшу кÿни хавхалантарать. Сăмахран, ачасен апатланăвĕшĕн сахалрах тÿлетпĕр. Халĕ шкулта ирпе кăнтăрла апатланнăшăн уйăхне пĕр ачашăн 800 тенкĕ тÿлемелле, пирĕн — 100 тенкĕ сахалрах. Ача сачĕшĕн нумаях тăкакламастпăр», — пĕлтерчĕ Татьяна. Çĕнĕ вĕренÿ çулĕнче ачасем Кĕçĕн Шетмĕри тĕп шкула çÿреме пуçларĕç. Аслисем парта хушшине ларчĕç, кĕçĕннисем пĕлÿ çуртĕнчи ача садĕнче воспитани илеççĕ.

* — Кăкăрта шыçă пуррине унчченех асăрханăччĕ-ха, хам тухтăр пулин те шута хуман, ахаль ÿткăна тесе тĕрĕсленме шухăшламан. Анне — шăк хăмпин, кукама — амалăх пăрăхĕн, атте пĕверĕн усал шыççинчен вилнине пĕлсе тăрсах врачпа канашлама васкамарăм. Онколог патне çур çултан, 2011 çулхи кĕркунне, тин кайрăм.