наци проекчĕсем

Ака уйăхĕн 13-мĕшĕнче «Единая Россия» партин Генеральнăй канашĕн Президиумĕн тĕрĕслев ушкăнĕ Раççей Президенчĕ Владимир Путин палăртнă наци проекчĕсем Чăваш Енре епле пурнăçланнипе кăсăкланчĕ.

Ушкăн чылай обьекта çитсе курчĕ. Вĕсем Питукассинчи хытă каяш тăкмалли вырăнта, Республикăри ача-пăча клиника больницинче, Шупашкар тĕп больницин хута яма палăртнă поликлиникинче, Чăваш Кадет корпусĕн Пăр керменĕнче, реконструкцилекен «Волга» стадионта, Муркаш районĕнчи «Сеспель» предприятире тата ытти çĕрте пулчĕç.

Раççей Президенчĕ Владимир Путин кăçалхи çу уйăхĕн 7-мĕшĕнче алă пуснă указра Правительство 2024 çул тĕлне пурнăçламалли тĕп тĕллевсене палăртнă. Çавна май социаллă пурнăçпа экономика аталанăвĕ енĕпе 12 наци проекчĕ хатĕрлеме тата РФ Министрсен Кабинетне вĕсене юпа уйăхĕн 1-мĕшĕччен çирĕплетме хушнă.

Subscribe to наци проекчĕсем