Archive - 16 Утă, 2018 - Чăваш хĕрарăмĕ

   * Путинсен тĕслĕхĕ

   * Тăван хулана юрататăр-и?

   * Тилĕсен те сывă пулмалла

«Хăвăрпа пĕрле тĕкĕр чиксе тухма маннă-и? Апла тăк çул çине пăхăр!» — федераци шайĕнчи «Хăрушсăр тата пахалăхлă çулсем» программăпа килĕшÿллĕн Шупашкар урамĕсенче сарнă асфальта çапла мухтаççĕ хула çыннисем. Юлашки çулсенче ятарлă техника вĕçĕмсĕр ĕçленине хăнăхрăмăр ĕнтĕ. Йăлтах хамăр валли-çке. Пушшех те, яка та пахалăхлă çул хăрушсăрлăхпа тивĕçтерет. Çавăнпах çул хĕрринче вырнаçнă çуртсенчи хваттерсенче пурăнакансем те шăв-шава ăнланса йышăнаççĕ. Пĕлеççĕ: ку вăхăтлăх кăна. Çул вара — яланлăх.

Вут-шанкă ыйтăвĕ çивĕч-ши ялта? Ĕлĕкхи мар çав пурнăç. Пÿрт-çурт хăтлă-и, хăтсăр-и — газпа ăшăнать. Вут татса-çурса тертленме те кирлĕ мар. Çурăм тăрăх шăпăр-шăпăр тар та юхмасть. Тепĕр тесен, вучах умĕнче те тăпăртатса вăхăт иртмест. «Сенкер çулăм» çинче туххăмрах вĕри апат пиçет, сĕтел тулли çимĕç пăсланать.