Archive - 22 Çу, 2017 - Чăваш хĕрарăмĕ

* Ырă йывăçăн çимĕçĕ паха

* Шанчăклă тĕпкĕч

* Пурнăç хуçисем

* Хĕрсем мана качча парасшăн

* Кĕвĕ тĕнчинчи чăваш хĕрĕ

* Йывăрлăхсене парăнтарма ача садĕнчех хăнăхтараççĕ

Тĕплĕнрех...

С. Рахманинов пултарулăхĕпе паян тĕнче савăнать тесен те йăнăш мар — классика нихăçан та модăран тухмасть. Анчах та музыка çак генине те хăй вăхăтĕнче шалкăм çапнине ас тăвакан пур-и? Пултарулăх шалкăмĕ... 24 çулти композитор пĕр самантра çырайми-ĕçлейми пулса ларнă. Нимĕн патне алă пымасть, хавхалану çук, нотăсем пĕр рете, пĕр тĕвве ним тусан та пуçтарăнмаççĕ... Мĕн тумалла?

— Сана часрах качча парас пулать.

— Мĕншĕн?

— Ытла та телейлĕ курăнатăн...

/Кулăш/.

Тус-тантăшăм хушшинче те, ĕçтешсен йышĕнче те качча кайманни эпĕ çеç юлтăм ĕнтĕ. Çук-ха, куншăн кулянмастăп. Вăт хĕртен арăм пулса ĕлкĕрнисем мана ăмсаннине сисетĕп вара. Ахальтен мар часрах качча парассишĕн çунаççĕ.

Муркаш районĕнчи Ярапайкасси ял тăрăхĕнче пурăнакансем çурт çĕклеме ÿркенмеççĕ. Çамрăксем тăрăшнипе çĕнĕ урамсем йĕркеленеççĕ. Çут тĕнчене «çĕнĕ кайăк» умлă-хыçлă килни те савăнтарать ял-йыша.

Çул хĕрринчех арçынсем мунча пури пуралаççĕ. Иртен-çÿрене хыр шăрши  илĕртет. Инçех мар хăма çурса савалаççĕ. Ĕç тĕлне пĕлекенсем вăхăта ахаль ирттерменни куç кĕрет.

Муркаш районĕнчи Милютакассинчи Владимир Хлебниковăн кил картинче ăратлă автан мăнаçлăн саркаланать. Килти чăхсем ун тавра юрласа кăна çÿреççĕ. Вăл вара юттисене çавăрма та май тупать. Хуçи калашле, унран кÿршĕсен чăх-чĕпĕ те юласшăн мар.

Красноармейскинчи Борисовсем райцентрăн хĕвел анăç енче çĕкленнĕ Çĕнĕ урамра, хăйсен вăйĕпе çĕклесе лартнă çуртра 17 çула яхăн пурăнаççĕ. Кил хуçи Геннадий Николаевич газ тытăмĕнче ĕçлесе тивĕçлĕ канăва тухнă, мăшăрĕ Ирина Васильевна ачасене вĕрентес тата воспитани парас енĕпе тăрăшнă. Халăхра çÿпçипе хупăлчи теççĕ çакăн йышши мăшăр пирки. Эпĕ кил хуçи хĕрарăмĕпе калаçу пуçартăм. Темĕн те пĕлекен, сăмах патне кивçене кайман хĕрарăмпа хутшăнма та кăсăклă.