Archive - Чÿк 2018

ноябрь 13th

13 Чÿк, 2018

Ÿнер тĕнчи йыхравлать

Чăваш Енре Кокель пленэрне хутшăннă художниксен суйласа илнĕ произведенийĕсен куравĕ уçăлать.
Кокель пленэрне чăвашсен профессиллĕ искусствин никĕслевçисенчен пĕрин Алексей Кокелĕн тăван ялĕнче Патăрьел районĕнчи Турханта 2007 çултанпа йĕркелеççĕ. 12 çулта унта Раççейри, Беларуçри, Украинăри сăнарлă искусствăн тĕрлĕ шкулĕн 139 представителĕ хутшăннă. XII пленэрта Патăрьелĕнчи ача-пăча искусство шкулĕнче вĕренекен çамрăк художниксем те хăйсен пултарулăхне кăтартнă.

13 Чÿк, 2018

Кĕпер айĕнче... Сталин бюсчĕ

Тупнăскере Кирилл Воронов музее пырса панă

Кун пеккине, чăн та, хальччен курманччĕ. Чылай музейре пулнă, темĕн тĕрлĕ экспонатпа та паллашнă. Элĕк районĕнчи Чăваш Сурăм ялĕнчи тавра пĕлÿ музейĕнчи вара халĕ те асрах, паян та куç умĕнчех.

13 Чÿк, 2018

Çĕнĕ кайăк несĕлсен пилĕпе килет

Йăрăс пÿллĕ, илĕртÿллĕ те çыпăçуллă тумланнă Наталья пилĕк ача амăшĕ пулнине малтанах ĕненес те килмерĕ: 25 çулалла çывхаракан ăнăçуллă хĕр пулĕ тенĕччĕ. Çук иккен, унăн аслă ывăлĕ вун улттăра-мĕн, кĕçĕнни çитес çулхи кăрлачра çулталăк тултарать.

Пĕрре те нумай, пиллĕк те сахал…

ноябрь 12th

12 Чÿк, 2018

Вылярĕ те вылярĕ кире пуканĕ алăра

Кире пуканĕпе туслисене «Хыпар» хаçат кашни çулах турнира йыхравлать. Кăçалхи тупăшу, малтан палăртнă пекех, Шупашкарти маунтинбайк центрĕнче чÿк уйăхĕн 3-4-мĕшĕсенче иртрĕ. Ăмăртăва Чăваш Ен спортсменĕсемпе пĕрлех Пушкăрт, Тутарстан, Киров, Санкт-Петербург, Чулхула, Мордови, Чĕмпĕр, Волгоград, Самар, Мари Эл маттурĕсем хутшăнчĕç.

12 Чÿк, 2018

Малалла-ха пурнăç, малалла

СССР халăх артистки Вера Кузьмина 95 çула çитнине тăванĕсемпе, юлташĕсемпе, кураканĕсемпе пĕрле чÿк уйăхĕн 16-мĕшĕнче К.Иванов ячĕллĕ Чăваш патшалăх академи драма театрĕнче паллă тăвать.

12 Чÿк, 2018

Ваттисем «вĕттисене» кĕтеççĕ

Муркаш районĕнчи Мăн Сĕнтĕр шкулĕнче Галина Кириллова, ют чĕлхе вĕрентекенĕ, чылай çул ĕçлет. Педагогăн ачасене пĕлÿ панипе пĕрлех воспитани ĕç-хĕлне тăтăш тытса пымалла. 7Б класс ертÿçи Галина Валентиновна ачасене туслаштармалли вăрттăнлăха темиçе çул каялла ăса хывнă: Тимур ĕçне пуçармалла. Пĕрлехи тĕллев чăннипех çывăхлатнине халĕ ĕнтĕ унăн «çуначĕ айĕнчи» 15 вĕренекен пĕр иккĕленмесĕрех çирĕплетет.

Паянхи тимурçăсем

12 Чÿк, 2018

Ылтăн ача

Çамрăк ашшĕ-амăшĕ хăйĕн тĕпренчĕкĕ пирки çапла каланине илтсен малтанах тĕлĕннĕччĕ те. «Ытла та хытă юратаççĕ ахăр», — мĕлтлетнĕччĕ пуçра шухăш. Тен, ывăл çуралнипе çапла савăннă аслисем? Ара, арçын ачана — ылтăнпа, хĕр пĕрчине вара кĕмĕлпе танлаштарнине хăнăхнă вĕт. Анчах та пархатарлă çак металл тĕнчене мĕнле пепке мар, миçемĕш пулса çуралнине палăртать-мĕн. Çĕршыври демографи лару-тăрăвне лайăхлатас тĕллевпе юлашки çулсенче патшалăх ертÿлĕхĕ уйрăмах çине тăрса тăрăшать. Нумай ачаллă çемьесене курăмлă тĕревлени пушшех те пĕлтерĕшлĕ.

ноябрь 9th

Pages