Помост çинче çĕршывăн 15 регионĕнчен килнĕ спортсменсем вăй виçрĕç
Чÿк уйăхĕн 3-4-мĕшĕсенче Шупашкарти маунтинбайк центрĕнче «Хыпар» хаçат парнисене çĕнсе илессишĕн Пĕтĕм Раççейри турнир иртрĕ. Ăмăртăва Чăваш Ен, Пушкăртстан, Киров, Санкт-Петербург, Чулхула, Мордва, Чĕмпĕр, Волгоград, Тутарстан, Самар, Мари Эл спортсменĕсем пурĕ 220 çын пухăнчĕç.
«Тантăшпа» «Саманта» 2019 çулăн I çурринче илсе тăмашкăн çырăнăр та квитанцисен копине редакцие почтăпа /адресĕ: Шупашкар хули, И.Яковлев проспекчĕ, 13/ е электрон почтăпа /hyparkd@mail.ru/ раштав уйăхĕн 9-мĕшĕччен ярса парăр.
«Шыв тултарса лартакан урамри мăн пичке те, кил хушшинчи тулли каткасемпе хурансем те пушанчĕç», – тесе çырнă «Хыпар» хаçатăн кăçалхи юпа уйăхĕн 12-мĕшĕнче (114-115№№) пичетленнĕ «Ялсенчи бизнесменсем уçă кăмăллăрах» статьяра Вера Эверкки. — Питĕ тĕрĕс! «Хыпар» хаçат тата унăн авторĕ вырăнлă темăна хускатнă.
Пирĕн Сĕнтĕрвăрри районĕнчи хăш ял урамĕнче паян пĕр-пĕр çурт умĕнче шыв тултарнă катка-пичке куратăр эсир? Калăр. Çырса пĕлтерĕр. Çук вĕсем.
Агропромышленноçа мĕнле аталантармаллине пĕлсе тăракансем, производство калăпăшне тÿпе хывакансем республикăра ытларах ĕçлени питĕ пысăк пĕлтерĕшлĕ. Вĕсенчен пĕри — Патăрьел районĕнчи Патăрьелте пурăнакан Олег Александрович Лаврентьев.
Шикли шикленнĕ, кĕрĕк пĕркеннĕ тенĕ ваттисем. Муркаш районĕнчи Москакасси ял тăрăхĕнчи Эхветкасси çумĕнче Китай инвесторĕсем сĕт-çу тирпейлекен завод тăваççĕ тесен вырăнтисем кăмăлсăрланма пуçланă.
Çур çĕр варринче: «Анне, инкеке лекрĕм! Укçа куçар», — тенине илтсен çухалса каятăнах. Акă пĕр арçын ывăлне «çăлассишĕн» ултавçăсене укçа куçарса парсан çеç хăйĕн ывăлĕ çуккине ăнкарса илнĕ. Шÿт пек илтĕнет-и? Ку тĕслĕх чăнахах та Чăваш Енрех пулнă.
Çав кун Елчĕк районĕнчи Акчелти Указовсем мотоблокпа хăйсен килĕнчен аякра та мар курăк анине сухаланă. Тăрук пыл хурчĕ вĕçсе килсе кил хуçине хăлха çунаттинчен сăхнă. Самантранах çÿллĕ те тĕреклĕ арçын сывлама йывăрланнине каланă.
Чÿк уйăхĕн 3-4-мĕшĕсенче Шупашкар тимĕр вăййине юратакансен тĕп хули пулса тăчĕ. «Хыпар» хаçат парнисене çĕнсе илессишĕн Пĕтĕм Раççейри турнир иртрĕ. Кăçал мастерсен ăмăртăвне маунтинбайк центрĕ йышăнчĕ. Ăна «Хыпар» никĕслевçи Николай Никольский çуралнăранпа 140 çул çитнине халалланă.
Чăвашла верси
Русская версия
