Archive - Утă 2016

Правительство çуртĕнче утă уйăхĕн 1-мĕшĕнчен коммуналлă пулăшу тÿлевĕсем улшăннă пирки брифинг ирттерчĕç.

ЧР конкурент политикин тата тарифсен службин ертÿçин заместителĕ Марина Кадилова электроэнергин кашни киловатт сехечĕ паянтан хула çыннисемшĕн — 2,98, ялта пурăнакансемшĕн 2,09 тенкĕ пулассине, 2015 çулхи раштав уйăхĕнчи хаксемпе танлаштарсан пĕрремĕшсемшĕн — 18 пус /6,4%/, иккĕмĕшсемшĕн 13 пус /6,6%/ ÿсессине пĕлтерчĕ.

Наркотик хутăшĕсемпе тата психотроплă япаласемпе усă куракан çынсене реабилитацилессипе, йĕркеллĕ пурнăçа тавăрассипе çыхăннă мероприятисем пурнăçланса пыраççĕ-и — шăпах çак ыйту Чăваш Республикинче наркотиксемпе кĕрешес енĕпе ĕçлекен комисси ларăвĕнче тĕп вырăнта пулчĕ. Ларăва Чăваш Ен Пуçлăхĕ Михаил Игнатьев ертсе пычĕ.

Правительство çуртĕнче Михаил Игнатьев ертсе пынипе ЧР Пуçлăхĕ çумĕнчи Инвестици тăрăмне лайăхлатас енĕпе ĕçлекен канашăн тата Экономикăна аталантаракан, социаллă пурнăçăн çирĕп йĕркине тивĕçтерекен комиссин пĕрлехи ларăвĕ иртрĕ. Тĕп ыйтусемпе экономика аталанăвĕн тата ял хуçалăх министрĕсем Владимир Аврелькинпа Сергей Артамонов паллаштарчĕç.