Архив - Апр 2018 - Чăваш хĕрарăмĕ

Çуркунне, çут çанталăк чĕрĕлес вăхăт черетлĕ хутчен çитрĕ. Акă юр ирĕлсе пĕтĕ те йывăç-тĕм папкисем сĕткенпе тулĕç, вĕсене майĕпен ешĕл тĕс çапĕ, ун хыççăн, пĕрремĕш çулçăсем тухнă май, таврана калама çук илем карса илĕ...

Пурнăç — çĕр тĕрлĕ пăрăнăç... Телей хĕвелĕ çиçнĕ чухнех, кĕтмен самантра, кун-çула тĕксĕм пĕлĕт пусарма, инкек-пăтăрмах çумăрĕ ислентерме пултарать. Йывăр чухне камран пулăшу ыйтмалла, уçăмлатма çук пек туйăнакан лару-тăрăва сирме хăш енчен пырса, мĕнле пикенмелле?

«Хисеплĕ «Чăваш хĕрарăмĕ» хаçат ĕçченĕсем, ăшăм çуннипе çыратăп çак çырăва.

Пичĕ-куçĕ пит хÿхĕм

 * Картишĕнче ăмăрт кайăк «вĕçет»

 * 90 çулта ĕçпе, ĕненÿпе пурăнать

Тăхăр вунă çулти çын пирки калаçнă чухне куç умне тÿрех тăнлавĕ аванах кĕмĕлленнĕ шур аппа е сухаллă мучи тухать. Çук-ха, туйине тÿрех тыттарас килмест ăна. Тăхăр теçетке çул кун кунласа та йăпăр-япăрлăхне, вăй-хăватне çухатманнисем пурах. «Вăрăм ĕмĕр вăрттăнлăхĕ мĕнре- ши?» — ыйтас килет вĕсенчен тÿрех. Паллах, сывă пурнăç йĕркине пăхăнни, пурнăçра пĕчĕк савăнăçа та пысăка хурса хакланăран пуç усмасăр малалла талпăнма пĕлни пирки сăмах пуçараççĕ вĕсем. Çакă кăна-ши? Паллах, сывлăх çирĕплĕхĕ, чун-чĕре хăвачĕ… Пур пĕрех темскер каласа çитермен пек.

Шкул çулĕсем кашни çыннăн асĕнче юлаççĕ. Пĕрремĕш шăнкăрав. Вĕçĕмсĕр тăсăлакан уроксем. Хаваслă тăхтав. Юлашки шăнкăрав. Тем çинчен те ĕмĕтленнĕ çак тапхăрта. Пурнăçра кирлĕ професси суйласа илме тăрăшнă. Кама кăна тĕслĕх вырăнне хурса ун пек пулма хавхаланман-ши? Тем каласан та, вĕренекеншĕн умри çула тĕрĕс суйласа илме пулăшаканĕ — юратнă вĕрентекен.