Архив - Июл 2018 - Чăваш хĕрарăмĕ

июля 30th

июля 28th

Пирĕн хаçат Красноярскри чăвашсен наци-культура автономийĕпе туслă. Йăхташăмăрсем хыпар вĕçтерсех тăнине палăртма кăмăллă. Çак кунсенче общество организацийĕн пресс-секретарĕпе, «Тĕнче пирĕштийĕсем» арт-проектăн PR-директорĕпе Олег Ровдăпа Шупашкарта тĕл пулма май килчĕ.

Шупашкарти «Пилеш» ача сачĕ çуллахи вăхăтра куна уçă сывлăшра, çĕкленÿллĕ туйăм парнелекен юрă çеммипе ушкăнĕпе гимнастика тунинчен пуçлать. Воспитатель е спортинструктор кăтартса паракан хусканусене еплерех тăрăшса тăваççĕ шăпăрлансем! Кÿршĕллĕ 162-мĕш ача садĕнче те ирех янăрать хускалма-сикме хавхалантаракан кĕвĕ-çемĕ. Çак самантра тĕнчери пур пепке те хăй çÿрекен пĕлÿпе воспитани çуртĕнче ÿт-пĕвне вылятма карталанса тăнăн туйăнать.

Республикăри çул-йĕр çинчи лару-тăрăвăн çур çулхи кăтартăвне тишкерсен, ачасемпе çыхăннă инкексен шучĕ пĕлтĕрхинчен чакнă та /76-ран 69-а çитнĕ/. Аманнисем те сахалрах /81 тĕслĕх/. Вилнисем пачах та çук. Çав вăхăтрах утă уйăхĕн 20 кунĕнче кăна çул çитменнисемпе çыхăннă 26 инкеке шута илнĕ. Вĕсенче 4 ача вилнĕ, 31-ĕн суранланнă. Ку çеç-и? Унпа пĕрлех шывра путакан, чÿречерен тухса ÿкекен, ытти инкеке çакланакан мĕн чухлĕ! Шăпах ача-пăча суранланни тавра калаçу пуçарчĕç ЧР ШĔМĕн ÇÇХПИ управленийĕнче йĕркеленĕ пресс-конференцире.
Чун ыратăвĕ

июля 23rd

Эпир Янăмри Герасимовсен сачĕпе киленсе утатпăр. Мĕн чухлĕ улма-çырла çитĕнтереççĕ вĕсем. Пусă чавнăскерсем шывран татăк пурăнмаççĕ. Çак мăшăрăн икĕ хутлă кил-çурчĕ, хуралтисем çирĕп.

— Юлташăм шÿтленĕ пек, эпĕ çыхнă пĕтĕм япалана тиеме КамАЗ та çитес çук, — уççăн та ăшшăн кĕтсе илчĕ пире Комсомольски салинче пурăнакан Людмила Симендеева.
Вырăнти культура ĕçченĕсем эпир унăн алă ĕçĕсемпе паллашма пырасса систернĕрен капăр тумĕсене хатĕрлесе хунăччĕ вăл.

«Халĕ çемйипех утă хатĕрлетпĕр, пахча çимĕç йăранĕсене çум курăкран тасататпăр. Ыранхи кун йĕркине, сăмахран, паянах палăртма хăнăхнă. Ĕне кĕтĕвне каймалли черет шăпах пирĕн пата çитрĕ.

«Ĕлĕк эпир кашни çыннăнах тÿпере çăлтăрĕ пур тесе шухăшлаттăмăр. Халĕ пĕлетĕп ĕнтĕ: кам халăхшăн ырă ĕç тăвать, çавăн çеç çутă çăлтăр пулать. Вăл — ырă ят», — тенĕ чăвашсен малтанхи хĕрарăм-сăвăçĕ Анисия Княгинина, литературăра Ваççа Аниççи ятпа юлнăскер.

Страницы