Архив - Мар 2018 - Чăваш хĕрарăмĕ

* Эпир те — çĕнтерÿçĕсен йышĕнче

* Ял хуçалăх пĕлтерĕшлĕ çĕрсене сиен кÿреççĕ

Ĕнер ЧР физкультурăпа спорт министерстви 2017 çулхи ĕç-хĕле тишкерчĕ. 2017 çул пĕтĕмлетĕвĕсемпе Сергей Шелтуков министр паллаштарчĕ.

Пĕлтĕр Чăваш Енри ял хуçалăх пĕлтерĕшлĕ çĕрсем тĕлĕшпе 689 тĕрĕслевпе сăнав ĕçĕсем ирттернĕ май 3,7 пин гектар çинче йĕркене пăсни палăрнă: Улатăр, Элĕк, Патăрьел, Йĕпреç, Вăрнар, Канаш, Сĕнтĕрвăрри, Шупашкар, Çĕрпÿ, Вăрмар, Етĕрне, Тăвай районĕсенче. Ытларах чухне çÿп-çап куписенчен, кайăк-кĕшĕк ĕрчетекен хуçалăхсем тухса тăкакан тислĕкрен шар курать çĕр.

«Иртнĕ вăрçăн малтанхи тапхăрне кăтартакан романсемпе кинофильмсенчен чылайăшĕ пĕр евĕрлĕрех пуçланать: командира отпуск панă, вăл чăматанĕсене те хатĕрлесе хунă, анчах ир енне вăрçă тапранать.

Никĕссĕр мĕн те пулин çĕклеме пулать-и? Айван ыйту, çапла-и? Кирек мĕнле япалан та çирĕп никĕс пулмалла. /Çак ыйтăва çĕклесенех паллă фильмра Георгий Вицин лавкка çаратакан ĕçкĕç сăнарне калăплани куç умне тухать. Каçхи куршак «тăвĕнчен» чи аялтине суйласа илсе туртса кăларать те вăл, паллах, çÿлтисем йăлт персе анаççĕ/. Çĕнĕ те капăр çурт çĕклеме шухăш тытсан та чи малтан унăн никĕсне палăртмалла.

Шупашкарти 203-мĕш ача сачĕ хăйне евĕрлĕхпе палăрса тăрать: кунта икĕ ушкăна виçĕрешсем çÿреççĕ. Унсăр пуçне 11 çемьерен йĕкĕрешсене çавăтса килеççĕ. «Йăрă ача» садикĕн çак хăйне евĕрлĕхĕ акăлчан бизнесменне Джон Уоррена та тĕлĕнтернĕ. Чăваш апачĕпе кăсăкланаканскер иртнĕ эрнере унта «Поедем, поедим» кăларăмăн пĕр пайне ÿкернĕ. Ку тĕл пулăва садик ĕçченĕсем те, ачасем те ăшшăн аса илеççĕ.

* Йăлтах юратупа çыхăннă: ĕç, çемье, куракан

* Ал çырăвĕсем музейре упранаççĕ

Чăваш халăх артистки Светлана Савельева театра юратакансене хĕрĕх çул ытла хăйĕн пултарулăхĕпе тыткăнлать-тĕлĕнтерет. Çак вăхăтра спектакльсенче 90 сăнар калăпланă вăл. Кинора ÿкерĕннине шутласан çак хисеп 100-тен те иртет.

«Чăваш хĕрарăмĕ» хаçата çырăнса илетпĕр, юратса вулатпăр. Кăларăм тусĕсене паллă ентешĕмĕр Ираида Петрова /Нарс/ çинчен каласа кăтартас килет. Çыравçăн е сăвăçăн шалти тĕнчине ăнланса илмешкĕн унăн кун-çулĕпе паллашмалла.