Архив - Фев 2016

Пирĕн шкулта час-часах паллă çынсемпе кăсăк тĕлпулусем иртеççĕ. Акă нумай пулмасть эпир Илья Степанович Клочков фотокорреспондентпа тĕл пултăмăр.

Çĕршывра та, хамăр республикăра та тĕрлĕ çулталăка халалланă уявсем иртсе кайрĕç. Пирĕн ялти ырă пулăмсемпе, тăван ял çыннин кулленхи пурнăçĕпе кăсăкланакан Л.Н.Изекеева сăвăç, композитор, эстрада çăлтăрĕ килсе çитрĕ.

Çĕрпÿ районĕнчи Паваркасси ача садне çÿрекен Алеша Иванов темпе те кăсăкланать. Хутран касса тетте ăсталама, тĕрлĕ тĕслĕ кăранташпа çутçанталăка сăнарлама, машина-тракторпа выляма кăмăллать.

Пĕлÿ тĕнчинче «5» паллăпа çеç туслăн утакан Юля Степановăран: «Ÿссен эсĕ кам пулатăн?» - тесе ыйтсан сарă хĕвел пек йăл кулчĕ.

Йĕпреç районĕнчи Хурамал шкулĕн улттăмĕш класĕнче вĕренекен Лиза Алмазова вĕренÿре пур предметпа та «5» паллăпа çеç ĕлкĕрсе пырать.

«Сывлăха упрамалла. Сивĕ шыв ан ĕç, юр ан çи, урамран кĕрсен аллуна çу», - ăс параççĕ аслисем кĕçĕннисене кулленех. Анчах тăррăс-тăррăс сиккелесе, тĕпĕр-тĕпĕр чупса çÿренĕ чухне япăххи çинчен кам шухăшлать?

Пĕтĕмĕшле калани

Чăваш Республикин культура, национальноçсен ĕçĕсен тата архив ĕçĕн министерстви, Чăваш наци конгресĕ 2016 çулта Чăваш Республикинче Ĕç çыннин çулталăкне халалласа çамрăк чăваш çыравçисемпе ÿнерçисен «Çĕнĕ хум» пултарулăх конкурсне ирттереççĕ.

Конкурса Чăваш Республикин тата Раççей Федерацийĕн тăрăхĕсен 9-11-мĕш класĕсенче вĕренекенсене тата студентсене хутшăнма чĕнеççĕ. Конкурс 2016 çулхи нарăс уйăхĕн 8-мĕшĕнчен пуçласа ака уйăхĕн 30-мĕшĕччен пырать.