Улатăр районĕ

Елчĕк районĕнчи "Рассвет" кооперативра ĕнер пăрçа çулма тухнă. Паян Улатăр районĕнчи "Новь" тулли мар яваплă обществăра (сăн ÿкерчĕкре) кĕрхи тулла вырма пуçланă.

Елчĕк районĕнче пĕрчĕллĕ тата пăрçа йышши культурăсем 22 пин ытла гектар  йышăнаççĕ. Вырмара унта 76 комбайн ĕçлеттерме палăртаççĕ.

Улатăр районĕнчи Кивĕ Эйпеçсем çурла уйăхĕн 2-мĕшĕнче сывлăш-десант çарĕнче пулнисен ячĕпе парк уçĕç, стела вырнаçтарĕç.

Çак ĕçе Кивĕ Эйпеç ял тăрăхĕн депутачĕн, пĕтĕмĕшле практика тухтăрĕн уйрăмĕн заведующийĕн Родион Казанцевăн пуçарăвĕпе йĕркеленĕ. Паянхи кун тĕлне кунта тимĕртен шăратса тунă картана, каçхи хунарсене вырнаçтарнă, тротуар плиткине сарнă. Вăл 20 тăваткал метр йышăнать. Ырă пуçарăва пурнăçа кĕртес тĕллевпе десантниксем субботник те йĕркеленĕ.

Улатăр районĕнчи Кивĕ Эйпеç ялĕ тирпейлĕхĕпе, илемĕпе кăна мар, хăйне евĕрлĕхĕпе те уйрăлса тăрать. Ку енĕпе вăл республика конкурсĕсене хутшăнса тăтăшах малти вырăнсене йышăнать. Ялта çамрăксен, ачасен паркĕсем, ача-пăча лапамĕ, икĕ фонтан пур.

Пăрачкав районĕнчи механизаторсем ирхи шăнпа усă курса кĕрхисене апатлантараççĕ. Район администрацийĕнче хыпарланă тăрăх, хастарсем темиçе кунта 325 гектар çине удобрени сапнă та. Кунта "Никулинский" кооператив, А.Л. Васильева тата Л.Л. Васильева фермер хуçалăхĕсем çаврăнăçулăхпа палăрнă.

Республикăри ял хуçалăх предприятийĕсем кĕрхи культурăсене юр çийĕн апатлантараççĕ. Паянхи кун тĕлне Улатăр районĕнчи виçĕ хуçалăхра çак ĕçе вĕçленĕ.

Çак уйăхăн малтанхи кунĕсенчех хире "Новь" тулли мар яваплă общество тата Нина Назарова фермер тухнă. Ун хыççăн Сергей Назаров фермер кĕрхи тулла удобрени сапма пуçланă. Патăрьел районĕнчи "Батыревский" плодопитомник та кĕрхисене апатлантарать.

Subscribe to Улатăр районĕ