Хастарсем

18 Çурла, 2016

Ырă вăхăтсем

Çуллахи вăхăтсене Артем Каторгин мĕншĕн юратать-ха? Шкул çулне çитменскер вĕренÿрен канать теме çук. Анчах çуллахи хаваслăх, телейлĕ кунсем унăн чунне те тыткăнлаççĕ. Юлташсемпе кунĕпех пытанмалла та, вăрçăлла та выляма май пур-çке. Сăмахран, тул çутăлнă-çутăлман Артем кÿрше каçать те: «Настя, тух выляма!» — тесе автансемпе ăмăртмаллах кăшкăрать. Хĕрачан та ыйхи ирех вĕçет. Эх, вылять вара хăйăр купи çинче икĕ тус. Артемăн тĕрлĕрен машина-трактор нумай çав, пĕрне те ахаль лартас килмест.

14 Утă, 2016

Сăввăм-калавăм çăлтăрлă, хĕвеллĕ чечек пулĕ

«Мĕнле асамлă сăрăсемпе ÿкерсе илемлетмелле-ши паянхи куна? Иртен пуçласа каçченех вăл лăпкă та тÿлек. Нихăçан та ун сăн-сăпачĕ урăхла пулассăн туйăнмасть. Çапла, çут çанталăк ялан пĕр пек тăмасть. Тепĕр чухне аслати те авăтать, çиçĕм те çиçет, çумăр чĕреслетсе çăвать. Эй, юратнă йывăçсем! Сассăра парсамăр!
17 Пуш, 2016

Шуршăл илĕртет

Пиллĕкмĕш класра вĕреннĕ чухне сăвă çырас туйăм вăраннă Ирина Петровăра. Поэтсен ĕçĕ-хĕлĕпе тĕплĕн паллашнă май, Галина Леонидовна Енейкина педагог ертсе пыракан «Çамрăк çăлтăрсем» литература кружокне те хаваспах çырăннă.

3 Пуш, 2016

Çуллахи куна килĕштерекенскер

Хĕвел çути кантăкран кĕнине мĕн тери килĕштерет Лена. Ун пек чухне чÿрече умĕнче чавсаланса ларать те урамри «пурнăçа» сăнама юратать. Кÿлленчĕкре çерçисем çăвăннине, шăши тытма васкакан кушака, йывăç çинче ларакан ула кураксене чун хавалĕпех пăхать.

3 Пуш, 2016

Кукамай пилĕпе пурăнатăп

Настя васкамасăр утать. Тавралăхра кам та пулин курăнмасть-ши, тенĕ пек, хутран-сит-рен чарăнкаласа тăрать, пăхкалать. Шăп, çил вĕрни те илтĕнмест. Аван-çке урамра çавнашкал вăхăтра.

Хĕрача кукамăшĕ çинчен шухăшлать.

Pages