Çĕртме уйăхĕн 22-23-мĕшĕсенче X Шупашкар экономика форумĕ иртет.
Шупашкарти «Контур» суту-илÿ çуртĕнче иртнĕ çулсенчи пекех «Регионсем — чикĕсĕр ĕçтешлĕх» курав йĕркелĕç. Ĕнерхи кун тĕлне 98 организаци-предприяти, çав шутра ЧР Информаци политикипе массăллă коммуникацисен министерстви те унта хутшăнма кăмăл тунă. Ăна савăнăçлă лару-тăрура 23-мĕшĕнче уçĕç.
Панкрута тухнă предприятисен малашлăхĕ çук темелле мар. Мал ĕмĕтлĕ çынсем тилхепене вăхăтра хайсен аллине илсен йывăрлăхри предприятисем те çĕнĕрен сывлăш çавăрса яраççĕ. Çакна Чăваш Ен Пуçлăхĕ Михаил Игнатьев Çĕрпÿ районĕнчи "Вурнарец" тата "Велес" тулли мар яваплă обществăсенче пулнă хыççăн палăртнă.
Чăваш Ен Пуçлăхĕ Михаил Игнатьев паян «ЧР Суту-илÿпе промышленноç палати» союз членĕсемпе ĕçлĕ тĕлпулу ирттернĕ. Калаçăва экономика аталанăвĕн министрĕн тивĕçĕсене пурнăçлакан Инна Антонова, Суту-илÿпе промышленноç палатин президенчĕ Игорь Кустарин, ыттисем хутшăннă.
Чăвашла верси
Русская версия
