Çĕнĕ ĕç вырăнĕсем йĕркелесси, бюджета хывакан налуксен виçине ÿстересси, çынсен тупăшне пысăклатасси… Вăл е ку проекта «симĕс çутă» панă май влаçсен чи малтан çак тĕллевсене тĕпе хумаллине çирĕплетсе уçрĕ ЧР Пуçлăхĕ çумĕнчи инвестици климатне лайăхлатас енĕпе ĕçлекен канашăн паянхи ларăвне регион ертÿçи Михаил Игнатьев.
Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлăва Чăваш Ен Пуçлăхĕ Михаил Игнатьев çĕршывăн анлăш аталанăвĕн стратегине пырса тивекен ыйтусенчен пуçларĕ. Çак кунсенче Виталий Мутко вице-премьер çак темăпа конференци ирттернĕ, стретегире пирĕн республикăна пайăррăн пырса тивекен самантсем те пур.
ЧР Пуçлăхĕ Михаил Игнатьев çĕртме уйăхĕн 23-мĕшĕнче «Шупашкарти «Сеспель» предприяти» АХОн танк-контейнер производствине уçнă çĕре хутшăнчĕ. Асăннă мероприятире çавăн пекех РФ Патшалăх Думин депутачĕсем, Мускаври ятлă-сумлă предприятисен представителĕсем пулчĕç.
Республикăра 2 пине яхăн çын ĕçшĕн тÿлев илеймен
20 çул ытла капитализм йĕркипе пурăнатпăр тетпĕр. Капитализма эпир, ун чухнехи СССРта пурăнакансем, 1991 çулта кĕтмен туман çĕртен ăнсăртран кĕмсĕрт персе антăмăр. Куллен «аталаннă социализм» /«развитый» тесе хăпартланаканскерсем «çĕрĕшсе пыракан» /«загнивающий» капитализма сисмесĕрех кĕрсе ÿкрĕмĕр. Çав капитализм «тинĕсĕнче» вара ахаль совет çыннисенчен никам та, 100 проценчĕпех темелле, «ишсе» курман. Ачана ишме вĕрентмешкĕн тарăнрах вырăна тĕртсе янă пекех пулнă-тăр вăл — вĕренейсен ишсе тухать. Çавăнтанпах «чăмпăлтататпăр» капита-лизмра.
Чăвашла верси
Русская версия
