Çу уйăхĕн 22-мĕшĕнче Республикăри ÿтпе венерологи диспансерĕнче Меланома диагностикин кунĕ иртет. Унăн тĕллевĕ - иккĕленÿллĕ турпаллипе пигмент пăнчисене вăхăтра асăрхаса вĕсем усал шыçă маррине палăртасси. Тухтăр патне пынисене дерматологсем йышăнĕç.
Йывăç лартмалли Пĕтĕм Раççейри акцие хутшăнса Чăваш Енре паян йывăç лартма палăртса хунăччĕ. Анчах ака уйăхĕн 20-мĕшĕнчи асар-писер çил-тăман хыççăн ырă çак ĕçе каярах вăхăта куçарма йышăннă.
Шăматкун, ака уйăхĕн 8-мĕшĕнче, пирĕн çĕршывра терроризма хирĕç акци иртмелле. Унта Чăваш Енре пурăнакансем те тухĕç. Мероприяти Шупашкарти Республика тÿремĕнче 11 сехетре пуçланмалла. Акцие, малтанласа пĕлтернĕ тăрăх, парламентри мĕн пур парти хутшăнмалла.
Ака уйăхĕн 15-мĕшĕнче Чăваш Енре "Экологи хăрушсăрлăхĕнчен хÿтĕленмелли кунсем" акци пуçланĕ. Çĕршывĕпех çулсерен иртекен мероприятие пирĕн патра та хутшăнассине паянхи Правительство ларăвĕнче сÿтсе явнă.