Спорт

29 Çу, 2021

Шупашкарти "Атӑл" стадион ҫӗнелӗ

Юлашки çулсенче спорт инфратытăмне аталантарас, спорт объекчĕсене çĕнетес тĕллевпе республикăра чылай ĕç туса ирттереççĕ.

Паян Шупашкарти «Атăл» стадиона юсаса çӗнетес ӗçе пуçланине халалласа чул хучӗç. Унта ЧР Пуçлăхĕ Олег Николаев, ЧР Патшалăх Думин депутачĕ Анатолий Аксаков, РФ Патшалăх Думин Национальноçсен ĕçĕсен комитечĕн председателĕ Валерий Газзаев, ЧР спорт министрĕ Василий Петров тата ыттисем хутшăнчĕç.

Спорт
17 Çу, 2021

Киокусинкайпа – 4 медаль

Иртнĕ канмалли кунсенче Самар хулинче киокусинкай енĕпе «Шихан кубокĕ» Пĕтĕм Раççей ăмăртăвĕ иртнĕ.

Тупăшăва çĕршывăн 30 регионĕнчен 500 ытла спортсмен хутшăннă, Чăваш Енрен — 18-ăн. Пирĕн ентешсем икĕ «кĕмĕл» /Ксения Павлова тата Даниил Руссанов/ тата икĕ «Бронза» /Роман Морозов, Александр Овчинников/ çĕнсе илнĕ.

Палăртмалла, Даниил Руссанов çак ăмăртура Раççей спорт мастерĕн нормативне пурнăçланă.

Спорт
19 Ака, 2021

«Шупашкар хурчкисем» – иккĕмĕш

Иртнĕ шăматкун Барнаулта баскетболпа Раççей чемпионачĕ вĕçленнĕ. Унта арçын командисем тупăшнă.

Пĕрремĕш вырăна «Барнаул» никама та парасшăн пулман, чи нумай очко пухса «ылтăн» çĕнсе илнĕ. «Шупашкар хурчкисем» кĕмĕл призерсем пулса тăнă. Палăртмалла, пĕтĕмлетӳ тăрăх MVP титула Шупашкар дружинин выляканĕ Павел Кольцов тивĕçнĕ.

www.hypar.ru Фото sport.cap.ru

Спорт
10 Ака, 2021

Шахмат патши чăваш ачисене мухтарĕ

Тĕнче чемпионачĕсенче 16 хут мала тухнă Анатолий Карпов гроссмейстер Шупашкара çитрĕ. Паян вăл И.Н.Ульянов ячĕллĕ Чăваш патшалăх университечĕн спорткомплексĕнчи турнира хутшăнчĕ — пĕр вăхăтра 14 шахматиста хирĕç вылярĕ.

Правительство çуртĕнче иртнĕ тĕлпулура ЧР Пуçлăхĕпе Олег Николаевпа Анатолий Карпов Чăваш Енри шахмат спорчĕн аталанăвне сÿтсе явнă. Çĕртме уйăхĕн вĕçĕнче республикăра шахмат енĕпе Раççей чемпионачĕ иртĕ. Пысăк шайри ăмăртăва тĕрлĕ регион спортсменĕ çитме палăртнă.

Спорт

Pages