«Шупашкар-Арена» пăр керменĕнче Спорт министерствин 2020 çулхи ĕçĕ-хĕлне пĕтĕмлетрĕç, çĕнĕ çулхи тĕллевсене палăртрĕç. Ведомство коллегийĕн анлă ларăвне ЧР Пуçлăхĕ Олег Николаев, Алла Салаева вице-премьер хутшăнчĕç.
Нумаях пулмасть И.Н.Ульянов ячĕллĕ Чăваш патшалăх университетĕнчи «ЧГУ-Атланта» баскетбол команди студентсен лигин чемпионатĕнчен çĕнтерӳпе таврăннă. Çавна май университет спортзалĕнче пресс-конференци иртрĕ.
Шупашкар хулин тĕп больницине çĕнĕ йышши эндоскопи хатĕрĕсем килсе çитнĕ.
Специалистсем палăртнă тăрăх, вĕсем онкологи чирĕсемпе витĕмлĕрех кĕрешме пулăшĕç. Больницăна гастроскопи, колоноскопи тата бронхоскопи ирттерме видеоэндоскоп тытăмĕсемпе те тивĕçтернĕ. Пĕтĕмпе — 15 миллион тенкĕлĕх.