Кăрлач уйăхĕн 21, 23-мĕшĕсенче И.Н.Ульянов ячĕллĕ Чăваш патшалăх университетĕнче физикăпа Джеймс Максвелл ячĕллĕ олимпиада иртнĕ. Унта республикăри 7-8-мĕш классенче вĕренекенсем тата 9-11-мĕшсем хутшăннă. Маларах вĕсем районти олимпиадăра çĕнтерÿçĕсем пулнă.
Чăваш патшалăх ял хуçалăх академийĕн студенчĕсен «Зверополис» ушкăнĕ 2019 çулта ятарлă конкурс витĕр тухса Пĕтĕм Раççейри студентсен ял хуçалăх «МоСт» отрячĕн йышне кĕнĕ.
2018 çулта тăлăх тата ашшĕ-амăшĕн ăшшисĕр юлнă ачасене хваттерсемпе тивĕçтерме уйăрнă укçан чĕрĕкĕ усă курмасăр юлнă. Сăлтавĕсем обьективлă теме пулать, апла пулин те ЧР Пуçлăхĕ Михаил Игнатьев ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен черетлĕ планеркăра çак тема тавра самай çивĕч калаçу пулчĕ.
Елен НАРПИ [Елена Чекушкина] çыравçăн «Чечексем çеçке тăксан», «Хĕл лариччен», «Пăрлă шыври хĕвел пайăрки» повеçĕсем, чылай калавĕ вулакана ансат чĕлхипе, çав вăхăтрах тарăн шухăша янипе тыткăнлаççĕ. Унăн пултарулăхĕ шкул программинче те çырăнчĕ. Вĕренекенсем «Тивĕç» калавĕпе паллашаççĕ.
Тинĕс е сăрт-ту? Шупашкарта пурăнакан Ксения Шепилева пĕр шухăшламасăрах юлашкине суйлĕ. «Тусем мана чылай çĕннине вĕрентрĕç. Сăрт-тăва е юрататăн, е çук. Кăмăлламасăр май çук паллах», — палăртать пике. Вăл спорт туризмĕпе кăсăкланать. Тулли рюкзак, ту çине анса хăпармалли ятарлă хатĕр-хĕтĕр… Вĕсемсĕр çула тухмасть хĕр. Нумаях пулмасть Ксения Чăваш Ен пĕрлештернĕ командин йышĕнче Кăркăсстанри Тянь-Шань тăва парăнтарса Раççей Кубокне çĕнсе илнĕ.
Чăвашла верси
Русская версия
