Культура

Çулсеренех Шупашкарта «Хĕл Мучи почти» пултарулăх конкурсĕ иртет. Кăçал та тĕп хуламăрти 7-17 çулсенчи ачасем унта хастар хутшăнчĕç. Хĕл Мучи патне çырнă çырура вĕсен пултарулăхĕ те, тарăн шухăшлавĕ те, ырă кăмăлĕ те палăрать. Конкурса пĕтĕмпе 300 ĕç килсе çитнĕ. Çитес çул ăна тата анлăлатасшăн, республика шайĕнче ирттересшĕн.

«Хĕл Мучи патне шăрçаланă çыру» номинацире 8 çулти Андрей Николаев çĕнтернĕ, «Çĕнĕ çул открытки» номинацире вара 14 çулти Татьяна Даниловăна çитекен пулман.

Йăлана кĕнĕ тăрăх, «Çамрăксен хаçачĕ» кашни çул фотоконкурс йĕркелет. Кăçал эпир Чăваш Енре Амăшĕпе Ашшĕн çулталăкĕ пулнине шута илсе сăн ÿкерчĕксен «Манăн анне» конкурсне пуçарнăччĕ. Халĕ ăна пĕтĕмлетме вăхăт çитрĕ!

Шупашкарта çуралса ÿснĕ Наталья Изотова тахçанах пĕчĕк мар пулсан та Хĕл Мучи пуррине ĕненет. Вăл халĕ те асамлăх туйăмне çухатманни тĕлĕнтерчĕ. Калаçу сыпăннă май йăлтах уçăмланчĕ: Наталья — Юр пике!

Pages

Subscribe to Культура