Чăваш патшалăх культурăпа искусство институчĕн Культура çулталăкĕнчи мероприятийĕсенчен пĕри унта вĕренекен студентсемшĕн çеç мар, театрсенче ĕçлекен актерсемшĕн те нумайлăха асра юлĕ. Сăмах çак кунсенче вырăс классика поэзийĕпе прозине вулаканĕпе, ÿнер сăмахĕн актерĕпе Рустем Галичпа ирттернĕ тĕл пулу пирки.
Ачасен пултарулăхĕн марафонĕ - Культура çулталăкĕнчи пĕлтерĕшлĕ проект. Вăл темиçе фестивальпе конкурса - ÿнер пултарулăхĕн «Черчен чечексем», юрлас ăсталăхăн «Уçă саслă ачалăх», хореографи коллективĕсен «Сывă-и, тĕнче!», чăваш тĕррин «Çĕр пин тĕрĕ çĕр-шывĕнче», чăваш фольклорĕн «Пĕчĕк çеç путене» - пĕрлештерет.
Культура çулталăкĕ вăй илсе пырать. Республикăн культурăпа кану учрежденийĕсенче, вĕренÿ заведенийĕсенче вун-вун мероприяти иртет. Çав шутра - ятарлă фестивальсем, конкурссем, премьерăсем, концертсем. Вĕсене ачасене, çамрăксене ытларах явăçтарма тăрăшнине ырламалла, çитĕнекен ăрура культура никĕсне «хывса» хăвармалла. Çапла тума тăрăшаççĕ те.
Чăвашла верси
Русская версия
