Республика Пуçлăхĕ ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлура Чăваш Енĕн социаллă пурнăçпа экономика аталанăвĕн иртнĕ çулхи кăтартăвĕсене пĕтĕмлетрĕç.
Кăрлач уйăхĕн 27-мĕшĕнче Андриян Николаев ячĕллĕ ача-пăча паркĕнче «ЭКА» экологи юхăмĕн Чăваш Енри уйрăмĕ Шупашкарта пурăнакансем валли «Хĕллехи Экокартиш» уяв йĕркеленĕ. Сăмах май, «Экокартиш» — пĕтĕм Раççейре пурнăçланакан проект. Çÿп-çапа уйрăммăн пухма вĕрентес тĕллев ун шăнăрĕнче.
1925 çулта чăвашсен паллă çыравçи Никифор Ваçанкка тата Александра Никитична çемйинче кун çути курнă вăл. Çав çулсенче Атăл тăрăхĕнче выçлăх алхаснă. 20-мĕш çулсен малтанхи çурри ахальтен мар историе «симĕс сĕлĕ çулĕсем» ятпа кĕрсе юлнă. Анчах пĕчĕк Римма шăпи тата йывăртарах килнĕ.
Кăрлачăн 27-мĕшĕнче Ленинград блокадине сирнĕренпе 75 çул çитет. Нева çинчи хула 900 кун сивве, выçлăха пăхмасăр тăшмана хирĕç тăма вăй-хал çитернĕ. Паян тĕп хулари Çар Мухтавĕн музейĕнче Ленинград хÿтĕлевçисен паттăрлăхне халалланă курав уçăлчĕ.
Чăвашла верси
Русская версия
