Йăлари хытă каяша пухса тирпейлесси, турттарса каясси пирки ялсенче хĕрÿ калаçу пырать. Ара, аслă ăрури çынсенчен, тин çуралнă пепкесенчен çÿп-çапшăн укçа мĕншĕн пухмалла-ши? Çакă çиес çăкăра алăран туртса илнĕнех туйăнать.
«Хыпарăн» кăрлач уйăхĕн 11-мĕшĕнчи номерĕнче пичетленнĕ «Гитлер тăшманĕ Маринеско кимминче» статьяра нимĕçсем лартнă мина çурăлса сирпĕннĕрен Нарва заливĕнче 1944 çулхи авăн уйăхĕн 7-9-мĕшĕсенче шыва путнă «М-96» кимĕре Муркаш районĕнчи Чуманкасси ялĕнче 1920 çулта çуралнă Алексей Филиппов тата Çĕрпÿ районĕнчи Вăрманкас Кĕçтемĕр ялĕнче 1917 çулта çут тĕнчене килнĕ Михаил Васильев пуç хуни çинчен çырса кăтартнăччĕ.
1920-1940 çулсенче ССР Союзĕнче айăпсăр çынсенех тĕрмене хупнă е персе вĕлернĕ. Инкеклĕ, пăтăрмахлă çĕршыв синкерлĕхне çирĕп шăнăрлă, пурнăçа тата çут тĕнчене юратнă çынсем кăна тÿссе ирттернĕ.
Паян Ленинградра çуралнă, блокада йывăрлăхĕсем витĕр тухнă ветерансем Совет Союзĕн Геройĕ А.В.Кочетов ячĕллĕ Чăваш кадет корпусĕнче пухăнчĕç. Кунта вĕсене республика Пуçлăхĕ Михаил Игнатьев Санкт-Петербург хулин Ленинград блокадине сирнĕренпе 75 çул çитнине халалланă астăвăм паллисемпе чысларĕ.
Министрсен Кабинечĕн тунтикунхи ларăвĕнче республика бюджетне ÿстерессине ырларĕç. Бюджетăн тупăш пайĕ 6880 миллиона яхăн тенкĕлĕх пысăкланать, унăн пĕтĕмĕшле виçи вара 54,3 миллиард тенке яхăн пулĕ.