Кун хыççăн кун

Çук, вулавăш çурчĕ çĕп-çĕнĕ мар-ха, анчах ăна кăçал федерацин «Çĕнĕ ăрури библиотека» пилот программипе килĕшӳллĕн тĕпрен юсанă та, палламалла мар улшăннă. Малтанхинчен темиçе хут лайăхланнă.

Вулавăш Валентина Чаплина поэтесса, прозаик тата драматург ячĕпе хисепленет. Библиотекăн çĕнĕ дизайнĕ «Культура» наци проекчĕн тĕслĕх стандарчĕпе килĕшсе тăрать.

«Роскосмос» патшалăх корпорацийĕнче ракетăсене сумлă çынсемпе паллă пулăмсемпе çыхăнтарас йăла пур. Вĕсенчен пĕри чăваш ятне космоса çĕкленĕ Андриян Николаев ячĕпе хисепленĕ.

Чăваш Ен Пуçлăхĕ Олег Николаев пĕлтернĕ тăрăх, çавăн пирки «Роскосмос» гендиректорĕпе Дмитрий Рогозинпа калаçса татăлнă. Çÿл тÿпене икĕ хутчен хăпарнă Шуршăл ывăлне халалланă ракетăна космоса е кăçалхи раштав уйăхĕнче вĕçтерĕç, е çитес çул.