Кăçал ЧР Цифра аталанăвĕпе информаци политикин тата массăллă коммуникацисен министерстви 7 конкурс йĕркеленĕ. Çавна май вун-вун журналист хăйĕн ăсталăхне тĕрĕсленĕ. 3 конкурс çĕнтерÿçисене маларах палăртнă. Çак эрнере вара хальтерех пĕтĕмлетнĕ конкурссенче мала тухнисене чысларĕç.
Чăваш Енре ĕçсĕрисен шучĕ сахалланнă. Кун пирки республикăн ĕç министрĕ Алена Елизарова раштав уйăхĕн 28-мĕшĕнче Правительство çуртĕнче иртнĕ канашлура пĕлтернĕ.
Çурла уйăхĕн 26-мĕшĕ тĕлне пирĕн республикăра ĕçсĕррисен йышĕ 30 пине çывхарнă. Халĕ ун пеккисем – 15 пин. Кăçал 38 пин ытла çынна ĕçе вырнаçтарма май килнине палăртнă министр. Вăл шутра яланлăх ĕç вырăнне 19 пин ытла çын тупнă.
Шупашкар хĕрĕ Костья Купер «Пятница» телеканалăн «Пацанки» шоувĕнче çĕнтернĕ. Унта вăл иккĕмĕш вырăна тухса 250 пин тенкĕлĕх сертификата тивĕçнĕ. Вăл укçана вĕреннĕшĕн тăкаклама юрать.
Çĕнĕ çул умĕн чăваш Энергосбыт компанийĕ ачасене уяв парнелерĕ. Çĕмĕрлери тăлăх тата ашшĕ-амăшĕн ăшшисĕр юлнă ачасен центрĕнче каллех «РусГидро» компанин «Ырă чăматанĕ» уçăлчĕ. Чăваш энергосбыт компанийĕн ĕçченĕсем шăпăрлансене хăйсен чĕре ăшшине парнелерĕç, вĕсен ĕмĕчĕсене пурнăçларĕç.
Чăвашла верси
Русская версия
