Паян республикăри Чрезвычайлă лару-тăрăва асăрхаттарас тата сирсе ярас, пушар хăрушсăрлăхĕпе тивĕçтерес енĕпе ĕçлекен комиссин черетсĕр ларăвĕ иртрĕ. Ăна Чăваш Республикин Пуçлăхĕ Олег Николаев ертсе пычĕ.
Паян Чăваш Ен Пуçлăхĕ Олег Николаев «Хыпар» хаçат тухма пуçланăранпа 115 çул çитнĕ май коллективпа тĕл пулчĕ, журналистсен ыйтăвĕсене хуравларĕ.
1906 çулхи кăрлачăн 21-мĕшĕнче пуçласа кун çути курнă кăларăм хальхи вăхăтра — пысăк издательство çурчĕ. Унăн йышлă çемйинче — 7 хаçатпа 2 журнал. Çывăх кунсенче йышăмăра икĕ район хаçачĕ кĕрĕ.
Ĕç тăвакан влаç органĕсен тата муниципалитетсен ертÿçисемпе тунтикунсерен ирттерекен канашлу сивĕ, юр нумай çунă тапхăрта республикăри çулсем çинчи транспорт çÿревне тивĕçтерес ыйтăва пăхса тухнипе вĕçленчĕ.
«Хыпарăн» хисеплĕ ĕçченĕсем, ăна юратса вулакансем!
Сире чăваш халăх хаçачĕ тухма пуçланăранпа 115 çул çитнĕ ятпа чун-чĕререн саламлатăп.
Чăвашла верси
Русская версия
