Новости по теме

15 Пуш, 2016

Чăваш Енĕн кредит рейтингĕсене çирĕплетнĕ

Чăваш Республикин хальхи вăхăтра Пĕтĕм тĕнчери ертсе пыракан рейтинг агентствисен — Fitch Ratings тата Moody’s Investors Service — кредит рейтингĕсем пур. Çак агентствăсем Чăваш Республикин кредит рейтингĕн мониторингне çулсеренех ирттереççĕ.

Moody’s рейтинг агентстви Раççей Федерацийĕн субъекчĕсене эмитентсен кредит илес-тÿлес пултараслăхĕн рейтингĕпе /эмитент рейтингĕ/ тата вĕсем кăларакан хаклă хутсен кредит пахалăхĕпе /Moody’s агентство терминологийĕпе — тивĕçтермен парăм обязательствисен рейтингĕсем/ тивĕçтерет.

Экономика
15 Пуш, 2016

Аслă типĕ пуçланчĕ

«Мăнкун каярах пулнă çул çуркунне кая юлать», — ваттисем çапла каланине пĕрре кăна мар илтнĕ. Анчах пур чухне те мар иккен... Кăçал çуркунне иртерех килчĕ. Кураксем çавна сиснĕ тейĕн, пуш уйăхĕн малтанхи кунĕсенчех вĕçсе çитнĕ ялсене. Пĕтĕм тĕнчери хĕрарăмсен кунне уявланă чухне вара çунатлисем хулара та курăннă.

11 Пуш, 2016

Строительство ыйтăвĕсене сÿтсе явнă

Пуш уйăхĕн 10-мĕшĕнче Мускавра ЧР Пуçлăхĕ Михаил Игнатьев Раççей строительство тата пурăнмалли çурт-йĕрпе коммуналлă хуçалăх министрĕпе Михаил Меньпе курнăçнă. Ĕçлĕ тĕлпулăва çавăн пекех Чăваш Енĕн строительство министрĕ Олег Марков та хутшăннă.

11 Пуш, 2016

Таса алă, таса совеç

ЧР çын прависем енĕпе ĕçлекен уполномоченнăйĕ Юрий Кручинин лайăх каларĕ: "13 çул, паллах, çавра дата мар, анчах çак цифра наркотик саракансемшĕн телейсĕр пултăр..." Федерацин наркотĕрĕслев службин республикăри управленийĕн сотрудникĕсем эрнекун хăйсен тытăмне туса хунăранпа 13 çул çитнине тата Наркотĕрĕслев ĕçченĕн кунне паллă турĕç.

Наркотĕрĕслев
11 Пуш, 2016

Ачасем пахалăхлă пĕлÿ илме пултарччăр

Юлашки вăхăтра шкулсене, уйрăмах ялсенче, хупасси çинчен çÿрекен сас-хура тĕлĕшпе сахал мар ыйту килме пуçларĕ. Чăваш Республикин вĕренÿпе çамрăксен политикин министрĕ Владимир ИВАНОВ çак лару-тăру пирки хăйĕн шухăшне пĕлтернĕ май "кун пек тĕллев пулман, халĕ те çук.

11 Пуш, 2016

Чăваш çамрăкĕсен черетлĕ çитĕнĕвĕ

Пермь хулинче РФ Общество палатин «Сообщество» форумĕн пĕрремĕш тапхăрĕ иртнĕ. Мероприятие Атăлçи округĕнчи мĕнпур регионтан пин ытла хастар хутшăннă. Çулталăк тăршшĕнче çакнашкал форума Раççейĕн ытти субъектĕнче те йĕркелеме палăртнă. Ярăма Мускавра чÿк уйăхĕн 3-4-мĕшĕсенче пĕтĕмлетÿллĕ форумпа вĕçлĕç.

11 Пуш, 2016

Экзаменсен расписанийĕ паллă

РФ Юстици министерстви регистрациленĕ хушупа килĕшÿллĕн Вĕренÿпе ăслăлăх министерстви 2016 çулта ирттермелли ППЭ расписанине çирĕплетнĕ.

Патшалăх экзаменĕсене кăçал икĕ тапхăрпа йĕркелĕç. Малтанхи пуш уйăхĕн 21-мĕшĕнче тытăнса ака уйăхĕн 23-мĕшĕччен тăсăлĕ. Тĕп тапхăр вара çу уйăхĕн 27-мĕшĕнче пуçланĕ те çĕртмен 30-мĕшĕччен пырĕ. Кăçалхи кампанире нарăс, утă, авăн уйăхĕсенче экзаменсем пулмаççĕ.

Суйласа илмелли предметсен йышĕнче выпускниксенчен чылайăшĕ общество пĕлĕвне кăмăлланăран çĕнĕлĕх кĕртнĕ: асăннă предметпа экзамен тытмалли ятарлă кун уйăрнă.

11 Пуш, 2016

Кăçал та диктант çырăпăр

Республикăра Ĕç çыннин çулталăкне тата Чăваш чĕлхи кунне халалласа Чăваш патшалăх гуманитари ăслăлăхĕсен институчĕ, ЧР вĕренÿ институчĕ, «Хыпар» хаçат редакцийĕ, Чăваш наци телерадиокомпанийĕ, И.Я.Яковлев ячĕллĕ ЧППУ тата И.Н.Ульянов ячĕллĕ ЧПУ «Пĕтĕм чăваш диктанчĕ - 2016» акци ирттереççĕ. Йăлана кĕнĕ пекех диктанта ака уйăхĕн 25-мĕшĕнче çырăпăр.

Чăвашла пĕлекен кашни çынна хăй тăван чĕлхене пĕлнине кăтартма май паракан акци 2013 çулта йĕркеленчĕ. Унăн тĕллевĕсенчен чи пĕлтерĕшли - хамăр чăваш пулнине, наци пĕрлĕхне палăртасси.

Pages

Хыпарсем