Пуш уйăхĕн 22-мĕшĕнче Чăваш Ен Пуçлăхĕ Михаил Игнатьев Юрий Васильева Чăваш Республикин Министрсен Кабинечĕн Председателĕн заместительне — Чăваш Республикин Пуçлăхĕн Администрацийĕн Ертÿçине уйăрса лартасси çинчен калакан указа алă пуснă.
Тюмень хулинче сивĕ шывра ишес енĕпе тĕнче чемпионачĕ иртнĕ. Ăмăртăва тĕрлĕ çĕршывран 1500 яхăн спортсмен хутшăннă. Чăваш Ен чысне унта 9 çын хÿтĕленĕ. Пирĕн ентешсем чемпионатран 14 медальпе таврăнчĕç.
Чăваш Ен Пуçлăхĕ Михаил Игнатьев пуш уйăхĕн 19-мĕшĕнче ЧР патшалăх влаçĕпе вырăнти хăйтытăмлăх органĕсен физкультурăпа спортăн 15-мĕш спартакиадин йĕлтĕрпе чупакансен ăмăртăвне савăнăçлă лару-тăрура уçма хутшăннă.
Раççей МЧСĕн Чăваш Республикинчи Тĕп управленийĕ пĕлтерет: пуш уйăхĕн 21-мĕшĕнче 12-рен пуçласа 12 сехет те 30 минутчен халăха асăрхаттармалли электросирена системисене тĕрĕслеççĕ. Халăха электросиренăсем янăранă вăхăтра хăйсен ĕçĕсене пăрахма кирлĕ марри пирки асăрхаттараççĕ.
Пуш уйăхĕн 18-мĕшĕнче Шупашкарти Хĕрлĕ тÿремре Крым Раççейпе пĕрлешнĕренпе икĕ çул çитнине халалласа "Эпир пĕрле!" ятпа уяв концерчĕ иртрĕ. Çак мероприятие пĕтĕмпе 10 пин ытла çын хутшăнчĕ.
Юлашки çулсенче шалти туризм — çĕршывăмăрăн аталанса пыракан экономика тытăмĕсенчен пĕри. Ăна вăйлатса пырасси Раççей Федерацийĕн хальхи вăхăтра йĕркеленекен приоритетлă тĕллевĕсен шутне кĕни унăн пĕлтерĕшне тата çĕклет.
Крым Раççейпе пĕрлешнине Чăваш Ен те уявлать
Паян Крым Раççейпе пĕрлешнĕренпе икĕ çул çитрĕ. Шăпах икĕ çул каялла пуш уйăхĕн 18-мĕшĕнче Кремльте Крым Республикине Раççей тытăмне йышăнасси çинчен калакан килĕшĕве алă пуснă.
Çулталăк пуçламăшĕнче патшалăх ведомствисем иртнĕ çулхи ĕçĕ-хĕле пĕтĕмлетеççĕ, çĕнĕ тĕллевсене палăртаççĕ. ЧР Физкультурăпа спорт министерстви те çак кунсенче 2015 çулхи спорт сезонĕн кăтартăвĕсемпе паллаштарчĕ. Ведомство коллегийĕн анлă ларăвĕ «Шупашкар-Арена» пăр керменте иртрĕ.
Кĕçнерникун Шупашкарти нумай хваттерлĕ çуртсенче пурăнакансен пĕр ушкăнĕ ЧР Наци библиотекинче пухăнчĕ.
ЧР Патшалăх Канашĕн депутачĕ Николай Угаслов тĕлпулăва уçса çапла каларĕ:
Канмалли кунсенче республикăра пĕлĕтлĕ çанталăк пулать, хушăран юр е йĕпе юр çăвать, вырăн-вырăнпа çил-тăман вĕçтеркелет. Паян, пуш уйăхĕн 18-мĕшĕнче, кăнтăрла 1-3 градус сивĕ пулать, хăшпĕр вырăнта ăшăтать, каçхине — 1-6 градус сивĕ. Ыран, пушăн 19-мĕшĕнче, кăнтăрла — 2-7, каçхине 4-12 градус сивĕ пулать. Пуш уйăхĕн 20-мĕшĕнче — 5-13 градус сивĕ. Çил çурçĕр-хĕвеланăç енчен 8-13 метр хăвăртлăхпа вĕрет. Хĕвел ирхине 6 сехет те 31 минутра тухать, каçхине 18 сехет те 43 минутра анать. Кун тăршшĕ — 12 сехет те 11 минут.
Чăвашла верси
Русская версия
