Кĕçнерни кун Правительство çуртĕнче ЧР Пурлăх тата çĕр хутшăнăвĕсен министерствин анлă ларăвĕ иртрĕ. Унта район-хула администрацийĕсен пуçлăхĕсемпе пурлăхпа çĕр специалисчĕсем хутшăнчĕç.
Республикăри хула-ялсенче Аслă Çĕнтерĕвĕн 69 çулхи кунне сумлăн ирттернĕренпе вăхăт нумаях та иртмерĕ, йĕркелÿ комитечĕ унăн 70 çулхи юбилейне тата мăнаçлăраххăн ирттерме хатĕрленме тытăнчĕ те. Ку ыйтупа унччен те ĕçленĕ. Юбилейлă уявăн йĕркелÿ комитечĕн çĕнĕ йышне çирĕплетнĕ, тĕп мероприятисен ĕç планне хатĕрленĕ.
Шупашкарти кинофестивале пирĕн ентеш Анатолий Гущин актер та хутшăнать тенине вуласа пĕлтĕм. Ăçта çуралса ÿснĕ вăл? Мĕнле фильмсенче ÿкерĕннĕ?
И.МИХЕЕВА.
Шăмăршă районĕ.
Унта тĕрлĕ тема хускатă. Л.Атлай ăсчах, сăмахран, çĕнĕ ĕмĕр пуçламăшĕнчи тăван литературăри паянхи ял тата хула çамрăкĕсен сăнарне уçса панă. Н.Смирнова журналист Елчĕк районĕнчи историпе тавра пĕлÿ музейĕн ĕçĕпе паллаштарнă. Л.Сачкова çыравçăн "Чакак йăвисемшĕн" калав та вулавçăсене кăсăклантарасса шанатпăр.
К.В.Иванов ячĕллĕ Чăваш патшалăх академи драма театрĕнче çак кунсенче сцена çине çĕнĕ ĕç - Алексей Писемскин "Горькая судьбина" пьесипе лартнă "Синкерлĕ шăпа" спектакль - тухрĕ. Ăна Наталия Сергеева режиссер лартнă, художникĕ - Светлана Зверева. Пьесăна Чăваш халăх поэчĕ Юрий Сементер куçарнă.
Наци библиотекинче наци киностудийĕсен фильмĕсен конкурсĕн председателĕ Елена Стишова, Сергей Анашкин кинокритик журналистсемпе, киноискусство ĕçченĕсемпе тĕл пулчĕç, наци кинематографĕн çивĕч ыйтăвĕсене сÿтсе яврĕç.
"Çавра сĕтеле" якутсен пултарулăх ушкăнĕ те хутшăнчĕ. Вĕсем конкурса темиçе фильм тăратнă. Пахалăхĕ те начар мар, Шупашкар çыннисене те килĕшнĕ вĕсем. Якут кинематографĕсем ăнăçлă ĕçлеççĕ теме май пур.
Якутсене çине-çине ÿкерме мĕн хистет?
Тĕплĕнрех - шăмат кунхи кăларăмра.
Ака уйăхĕн 20-29-мĕшĕсенче республикăра çурхи сунар тапхăрĕ иртрĕ: сунарçăсем кайăк кăвакалпа ăсан аçине, кăрăпчака, хур кайăка тытрĕç. Чĕр чун тĕнчине хÿтĕлекенсем картран тухнисемпе мĕнле кĕрешеççĕ-ха? «Хыпарăн» çу уйăхĕн 24-мĕшĕнче тухнă номерĕнче ку ыйтăва ЧР сунарçăсемпе пулăçсен патшалăх службин ертÿçин çумĕ Анатолий ПАВЛОВ хуравланă.
Ĕнер Шупашкарти коопераци институтĕнче Раççей коопераци университечĕн студенчĕсен çуллахи Универсиади пуçланчĕ.
Ача-пăча валли çырнă кирек мĕнле кĕнеке те кăсăклă вуланать. Унпа "вĕттисем" кăна мар, аслисем те хаваспах паллашаççĕ. "Чун çимĕçне" хайлаканĕ хăй те ача та - апла ку кĕнекене канфетпах танлаштармалла.
Пирĕн республикăри аслă ăру çыннисем çамрăксене сывă пурнăç йĕркине тытса пыма сăмахпа кăна мар, ĕçпе хавхалантарса пынине витĕмлĕн çирĕплетеççĕ. Çакă тивĕçлĕ канăва тухнисен хушшинче Раççей спартакиади ирттернинчен те лайăх курăнать.
Чăвашла верси
Русская версия
