Саламлатпăр!
Хаклă туссем! Хисеплĕ вулакансем! «Хыпар» Издательство çурчĕн, «Хыпар» хаçатăн авалхи тата çĕнĕ тусĕсем!
«Тулта декабрь шатăртатмасть» пулин те, ирĕк парсамăр сире çывхарса килекен Çĕнĕ çулпа тата мĕнпур христиансен чунтан юратакан Раштавпа чунтан-чĕререн ăшшăн саламлама.
Çĕнĕ çул - кунсен ылмашăвĕ кăна мар, кăтартусене пĕтĕмлетмелли, умри тĕллевсене уçăмлатмалли вăхăт та. 2014 çул çăмăлах пулмарĕ, çапах та пĕрлехи вăйпа йывăрлăхсене парăнтарма пултартăмăр. Чăваш хутлăхĕн ĕçчен халăхĕ çитĕнÿсен çулĕпе малалла ăнтăлать, Чăваш Енĕн, Раççейĕн ячĕ-сумне ÿстермешкĕн сумлă тÿпе хывать.
РФ Пенси фончĕн республикăри уйрăмĕ пĕлтернĕ тăрăх - январь уйăхĕнчи пенсисене почтăн тата Перекет банкĕн уяв тата кану вăхăтĕнчи ĕç йĕркине тĕпе хурса çак кунсенче валеçеççĕ:
РФ Пенси фончĕн Чăваш Республикинчи уйрăмĕ пенси тÿлемелли укçана банксене 2014 çулхи декабрь уйăхĕн 29-мĕшĕнче куçарнă, çав шутра РФ Перекет банкне 2015 çулхи январь уйăхĕн 3-15-мĕшĕсемшĕн, ытти банка - январь уйăхĕшĕн пĕтĕмпех. Пенсионерсен счечĕ çине вĕсене тепĕр куннех çитернĕ.
Чăваш Республикинчи почта çыхăнăвĕн уйрăмĕсенче январь уйăхĕнчи пенсисене çак графикпа валеçеççĕ:
Çулталăк палли шутланакан чĕрчунсенчен пĕр выльăха кăна «ăнман» - лашана кăна кÿлсе е утланса çÿремелле тунă. Çавна май ытти чĕрчунпа танлаштарсан унăн пурнăçĕ çăмăл мар. Чăннипех - ĕç выльăхĕ. Тен, çавăнпах-и - 2014 çул, Лаша çулталăкĕ, ансат пулчĕ тееймĕн. Çакна пурте йышăнаççĕ. Çапах йывăррипе пĕрлех ырри-лайăххи те пулчĕ вĕт.
2014 çул вĕçленсе пынă май «Урожай» спорт обществи çулталăк ĕçĕ-хĕлне пĕтĕмлетнĕ, малашлăх тĕллевĕсене палăртнă. Отчет конференцийĕ Етĕрне район администрацийĕнче иртнĕ.
Кашни шкултах пур вĕсем - чи пултаруллă та маттур чăваш ачисем. Вĕренÿре лайăх ĕлкĕрсе пыракансене Чăваш наци конгресĕ Я.Ухсай ячĕллĕ культура керменĕнче чысларĕ.
Çĕнĕ çул уявĕ пуриншĕн те чуна çывăх пулин те ачасемшĕн вăл - чи асамли. Вĕсем ăна хĕлĕн пĕрремĕш кунĕсенченех чăтăмсăррăн кĕтме тытăнаççĕ. Хăйсем мĕнле парне çинчен ĕмĕтленнине палăртса чылайăшĕ Хĕл Мучине çыру та хайлать.
Йăлана кĕнĕ тăрăх уяв çывхарса пынă кунсенче Чăваш патшалăх оперăпа балет театрĕнче Чăваш Ен Пуçлăхĕн Елкисем иртрĕç. Унта республикăн тĕрлĕ кĕтесĕнче пурăнакан хастар, пултаруллă, ăслă ачасем - тĕрлĕ конкурс çĕнтерÿçисемпе призерĕсем, спорт ăмăртăвĕсенче мала тухнисем - хутшăнчĕç. Мĕнпурĕ - 2,5 пин ача.
Çĕнĕ çул тата Раштав умĕн Вăрнарти историпе таврапĕлÿ музейĕ район çыннисене хăйне евĕрлĕхпе тĕлĕнтересси йăлана кĕнĕ ĕнтĕ. Елена Шарипова ырă та асамлă уявсене кашнинчех çĕнĕ шухăшпа пуянлатать. Хальхинче вăл тăрăшнипе "Раштав пирĕштийĕсем" курав-конкурс уçăлчĕ.
Сĕнтĕрвăрри тăрăхĕнчи Кукашни ял халăхĕ Çĕнĕ çула нихçанхинчен ытларах савăнăçлăн - юрласа, ташласа кĕтсе илĕ. Урамра, сивĕре мар, хăтлă керменте! Çакă ял çыннисемшĕн чăннипех пысăк савăнăç. Культура çулталăкĕ вĕсене вĕр çĕнĕ клуб парнеленĕ!
КĂЛАРĂМРА 
Чăвашла верси
Русская версия
