Новости по теме

20 Çу, 2022

Аграрисем лаптăксен 59% акнă

Çумăрлă çанталăка пăхмасăрах, çур аки майĕпен пурнăçланать. Республикăри ял хуçалăх предприятийĕсемпе хресчен-фермер хуçалăхĕсем паянхи кун тĕлне çурхи культурăсене 126,5 пин гектар çинче акнă. Техника культурисене 8,7 пин га çинче, 2,3 пин га – рапс , 2,8 пин га – горчица лартнă.
Çĕр улмине 17 районта лартма пуçланă - хальлĕхе 489 га лартса ĕлкĕрнĕ.    

www.hypar.ru

Кун хыççăн кун
19 Çу, 2022

Тавар туянас ĕç-хĕлти çĕнĕлĕхсем пирки – конференцире

Паян Чăваш патшалăх филармонийĕнче «Тавар туянас ĕçе цифровизацилесси тата оптимизацилесси» конференци уçăлчĕ.

Кун хыççăн кун
19 Çу, 2022

"Хыпар" никĕслевçине пуç тайрĕç

Çу уйăхĕн 19-мĕшĕнче Николай Никольский çуралнăранпа 144 çул çитрĕ. Унăн ячĕ 1906 çулта чăвашла пĕрремĕш хаçат кăларнипех историе ылтăн сас паллисемпе çырăнса юлнă.
Купăрля ялĕ хăйĕн ентешне Николай Никольские манăçа кăлармасть. Унăн çуралнă кунĕнче çулленех хăнасене йышăнать. Хальхинче те çаплах пулчĕ.

Савăнăçлă митинга Уйкас Янасал ял тăрăхĕн пуçлăхĕ Виктор Волков уçрĕ, район çыннисем паллă ентешĕпе мухтаннине, унăн ĕçĕсем чăваш халăхĕн кун-çулĕпе тачă çыхăннине палăртрĕ.

Культура
17 Çу, 2022

Сессире пӗлтерӗшлӗ ыйтусене сӳтсе яврӗҫ

Паян Шупашкарта "Ҫӗнӗ вӑхӑт валли вӑйлӑ шухӑшсем" стратеги сессийӗ ӗҫлет. Ӑна пӗтӗмлетме республика ертӳҫи Олег Николаев хутшӑнчӗ. Ҫӗнӗ шухӑшсем, ҫивӗч ыйтусене татса пама кирлӗ ҫӗнӗ меслетсем паянхи саманара уйрӑмах кирлине палӑртрӗ вӑл.

Кун хыççăн кун
16 Çу, 2022

Елчӗк районĕн чысне кӑҫалхи "Зарницӑпа" "Орлёнок" ҫар вӑййисенче Елчӗк шкулĕн ачисем хӳтӗлӗҫ

Хӗрӳ тупӑшура "Орлёнок" ушкӑнӗнче 3-мӗш вырăна Курнавӑш шкулӗн, 2-мӗшне Ҫӗнӗ Пӑва шкулӗн ачисем тивĕçнӗ. Ҫӗнтерӳҫӗсем - Елчӗк шкулĕн ачисем.
"Зарница" ӑмӑртӑвӗнче те Елчӗк шкулĕнче вĕренекенсем малта пулчӗҫ. Ҫак шкулти кадетсем 2-мӗш вырăна тухнӑ. Патреккел шкулĕн ачисем 3-мӗш вырăна тивĕçнӗ.

 www.hypar.ru Cap.ru сӑн ӳкерчĕкӗсем 

Кун хыççăн кун
16 Çу, 2022

Çыравçăсемпе паллашма – методика зарядкине

Çĕнĕ Шупашкарти вулавăш ĕçченĕсем Ю.Гагарин ячĕллĕ Тĕп библиотекăра Лариса Петрова сăвăçпа тата «Хыпар» Издательство çурчĕн журналисчĕпе  тĕл пулчĕç. Тĕл пулăва методика зарядки пек йĕркеленĕ. Çакнашкал мероприяти çĕнĕ кĕнекесемпе паллашма, çыравçăсене лайăхрах пĕлме май парать. Хальхинче вăл иккĕмĕш хут иртрĕ. Унччен çакнашкал тĕл пулăва Чăваш кĕнеке издательствин ача-пăча литературин редакторĕ Ольга Федорова хутшăннă. 

Культура
16 Çу, 2022

Мускав чӑвашӗсем футбол турнирне пухӑннӑ

Ҫу уйӑхĕн 15-мĕшĕнче, Мускав хулинче пурăнакан чӑвашсем Аслӑ Ҫĕнтерĕве халалланӑ черетлĕ футбол турнирне пухӑннӑ. Ӑмӑртӑва 6 ушкӑн хутшӑннӑ: Елчĕк, Йĕпреҫ, Канаш, Патӑрьел, Шӑмӑршӑ тата Улатӑр районĕсенчен тухнӑ ентешсем.
Тупӑшусенче Йĕпреҫ каччисем, йышпа чи сахаллисем пулсан та, ыттисенчен тӑрӑшуллӑрах, ӑстарах тата хастартарах пулнине кӑтартса панӑ. Кашни вӑйӑрах ҫĕнсе пынӑ.
Финалта Йӗпреҫ каччисем Патӑрьел ушкӑнĕпе тĕл пулнӑ, йывӑр тупӑшу хыҫҫӑн пенальти мелĕпе ҫĕнтерсе пĕрремĕш вырӑн йышӑннӑ, Кубока ҫĕнсе илнĕ.

Кун хыççăн кун

Pages

Хыпарсем