Комментари хушас

Кĕнеке вулама юратакансем валли Республикăри ачасемпе çамрăксен библиотеки конкурс ирттернĕ.

Ăмăрту пуш уйăхĕн 1-мĕшĕнчен пуçласа çу уйăхĕн 13-мĕшĕччен пынă. Унта хутшăнакансем хăйсен ĕçĕсене икĕ номинацие ярса панă: «Вулакан çемьепе паллаштаракан видео» тата «Илемлĕ хайлав тăрăх хатĕрленĕ инсценировка». Конкурсра пĕтĕмпе 46 ĕç пăхса тухнă. Пĕрремĕш номинацире Васильевсен çемйине /Муркаш районĕ/ çитекен пулман, 2-мĕш вырăнта — Артюковсем /Вăрмар районĕ/, 3-мĕшĕнче — Павловсем /Çĕнĕ Шупашкар/. Тепĕр номинацире Николаевсен çемйи /Канаш хули/ — чи лайăххи, 2-мĕш вырăнта — Логиновсем /Улатăр/, 3-мĕшĕнче — Степановсем /Йĕпреç районĕ/. Муркаш районĕнчи Кузьмичевсен çемйине жюри хăйне евĕр ĕçшĕн, тăван чĕлхене упраса анлă сарма тăрăшнăшăн палăртнă. Çĕнтерӳçĕсене çĕртме уйăхĕн 1-мĕшĕнче Республикăри ачасемпе çамрăксен библиотекинче чыслĕç.

www.hypar.ru