Новости по теме

Тунтикунхи канашлура культура министрĕ Светлана Каликова архивсен ĕçне йĕркелес ыйтупа сăмах илчĕ. Муниципалитет округĕсем йĕркеленине, ял тăрăхĕсем пĕтнине кура вĕсен докуменчĕсене архива упрама памалла. Анчах районсен архивĕсем резинăран мар — хăшĕсем 100% тулнă. Хушма пÿлĕмсем уйăрассине тивĕçтермелле. Тепĕр енчен, архивсенче çынсем çителĕксĕр. Хăш-пĕр районта — пĕрер кăна. Министр штатсене пысăклатма ыйтрĕ. Комсомольскинче ку енĕпе тивĕçлĕ йышăну тума хатĕр-мĕн — хальччен пĕр çын ĕçленĕ, тепĕр çынна йышăнаççĕ.

Çулталăк вĕçленсе пырать, анчах бюджет укçипе усă курас енĕпе хăш-пĕр тытăм тĕлĕшпе ыйтусем пур. «Паллах, ĕç-пуç пĕлтĕрхинчен лайăхрах теме пулать, анчах ку лăпланмалли сăлтав мар», — ĕç тăвакан влаç органĕсен тата муниципалитетсен ертÿçисемпе тунтикун ирттернĕ канашлăва ЧР Пуçлăхĕ Олег Николаев çапла каласа пуçларĕ те — «васкаманнисене» правуртарах ĕçлемелли çинчен асăрхаттарчĕ.

Эстрада артисчĕсен союзĕ вокал искусствинче çĕнĕ ятсем тупса палăртмашкăн «Уçă саслă Чăваш Ен» конкурс ирттерет.

Пултарулăх ăмăртăвĕ дистанци мелĕпе иртĕ. Конкурсантсен ĕçĕсене Чăваш Республикин культурăпа искусство деятелĕсем, преподавательсемпе педагогсем хаклĕç. Ÿсĕме кура тăватă ушкăна пайлĕç: 5-11-мĕш классенче вĕренекенсем, 18-25 çулсенчисем, 25-35 çулсенчисем, 35 çултан аслăраххисем. Номинацисем: соло, ансамбль тата хор.

Çулталăк пуçланнăранпа республикăра шалу парăмĕ 3,6 миллион тенкĕ чакнă. Кăрлачăн 1-мĕшĕ тĕлне тăватă организацири 72 çын умĕнчи парăм 4,18 миллион тенкĕ шутланнă. Çак тата ытти цифрăна Чăваш Республикин Ĕç инспекцийĕн ертÿçи Алексей Метелкин пĕлтерчĕ.