Чăвашла верси
Русская версия
27 Пуш, 2023
Кăçалхи пĕрремеш "тÿрĕ лини"
Пуш уйăхĕн 31-мĕшĕнче Чăваш Ен Пуçлăхĕ Олег Николаев республикăра пурăнакансен ыйтăвĕсене хуравлĕ.
Новости по теме
27 Пуш, 2023
«НТВ» телеканалпа кăтартнă
Чăваш юррипе тĕнче шайĕнче палăрма ĕлкĕрнĕ «DIVA Etno Future Sound» ушкăн «Страна талантов» конкурсăн 2-мĕш сезонĕн 2-мĕш кăларăмне хутшăннă.
27 Пуш, 2023
Шăнкăрч вĕлли тăвар-и?
ЧР çут çанталăк ресурсĕсен тата экологи министерстви çут çанталăка юратма чĕнсе «Шăнкăрчсем тăван ене вĕçеççĕ…» видеороликсен конкурсĕ ирттерет.
24 Пуш, 2023
17 пине яхăн ача кăçал республикăра парта хушшине пуçласа ларĕ
Çак шутран 8,5 пин Шупашкарта пурăнать. Заявленисен шучĕ нумаййине кура хăш-пĕр шкулта хушма классем уçĕç.
Ака уйăхĕн 1-мĕшĕнче 1-мĕш класа каякан ачасен ашшĕ-амăшĕнчен заявлени йышăнма тытăнĕç. Çак тапхăр çĕртме уйăхĕн 30-мĕшĕччен тăсăлĕ.
«Ачана шкула илес умĕн ашшĕ-амăшĕн чылай ыйту сиксе тухать. Вĕсен халĕ интернет уçлăхĕнчи «Госуслуги» портала кĕрсе заявленисен тĕслĕхĕпе паллашма, кирлĕ документсене хатĕрлесе хума вăхăт пур-ха», — тенĕ ЧР вĕрентÿ министрĕ Дмитрий Захаров.
23 Пуш, 2023
Ĕç планне сÿтсе яврĕç
ЧР Пуçлăxĕ Олег Николаев ертсе пынипе республикăрa пyрăнакансене ĕçмелли шывпа тивĕçтермелли тата çурт-йĕртен таcа мар шыва юхтарса тăмалли хуçaлăxa малашне епле пăxcа тăрассине сÿтсе яврĕç.
22 Пуш, 2023
Инвестици, ĕç вырăнĕсем шантараççĕ
Юнкунхи ларура Министрсен Кабинечĕ «Ветеринари çинчен» саккуна кĕртмелли улшăнусене ырларĕ. Вĕсем федерацин тивĕçлĕ саккунне тӳрлетнипе сăлтавланнă. Патшалăх ветеринари службин ертӳçи Александр Шакин тĕп çĕнĕлĕх çинчен каларĕ: вăл йышăнакан должноçа кам йышăнассине кăçалхи авăн уйăхĕн 1-мĕшĕнчен тытăнса ЧР Пуçлăхĕ татса парĕ — ертӳçе вăл Раççей Ял хуçалăх министерствипе канашласа уйăрса лартĕ.
22 Пуш, 2023
Уя иртерех тухăпăр
Ял хуçалăх предприятийĕсем çуракине хатĕрленеççĕ. Ыйту пысăк пĕлтерĕшлине кура ăна юнкун Министрсен Кабинечĕн ЧР Пуçлăхĕ Олег Николаев ертсе пынипе иртнĕ ларăвĕнче те сӳтсе яврĕç.
Ял хуçалăх министрĕн тивĕçĕсене пурнăçлакан Инна Волкова пĕлтернĕ тăрăх, кăçалхи хĕлле юр-çумăр ытти çулхи вăтам кăтартуран сахалрах пулнă. Çывăх вăхăтра çумăрсем çумалла, «плюслă» температура çирĕпленесси ытти чухнехинчен пĕр эрне маларах пулать. Эппин, çуракине те маларах тухма тивет-тĕр.
20 Пуш, 2023
Шыв-шур сыхă пулма хистет
Тунтикун ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ канашлура ГКЧС ертÿçи Сергей Павлов хĕл кунĕсенче юхан шывсем çинче сыхă пулнине аса илтерчĕ. Калăпăр, транспортпа пăр çине тухнăшăн 11 çынна административлă майпа явап тыттарнă — пĕтĕмпе 30 пин тенкĕлĕх штрафланă. Вăл нарăсăн 5-мĕшĕнче Сăр çинче пулнă пăтăрмах çинчен каларĕ. Пăр катăлнă май çăмăл машина шыва кайнă. Водитель машинăран тухса ĕлкĕрнĕ. Транспорт сиенленнисĕр пуçне унăн административлă штраф та тÿлеме тивнĕ.
20 Пуш, 2023
Шăтăксене саплама пуçланă
Тунтикун ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ канашлура шăтăк-путăка сапламалли юсав ĕçĕсем пирки сăмах илнĕ май транспорт министрĕ Владимир Осипов пытармарĕ: юсамалли лаптăксем чăннипех пысăк. Ку федераци трассисене те, республика çулĕсене те пырса тивет. Вырăнсенчи çулсем тĕлĕшпе «сапламалли» тăваткал метрсен калăпăшĕ пирки тĕп-тĕрĕс калама та ир-ха. Вĕсен пысăк пайĕ çав-çавах юр айĕнче — унта асфальт мĕнле хĕл каçни кăшт каярах уçăмланĕ.
20 Пуш, 2023
Экономика ÿсĕмлĕ
Тунтикун ЧР Пуçлăхĕ Олег Николаев ĕç тăвакан влаç органĕсен тата муниципалитетсен ертÿçисемпе ирттернĕ канашлура экономика аталанăвĕн министрĕн пĕрремĕш çумĕ Надежда Столярова экономикăн тĕрлĕ отраслĕ кăрлач-нарăс уйăхĕсенче мĕнле ĕçленипе паллаштарчĕ. Кăмăллă пулма сăлтав пур. Иртнĕ çулхи çак тапхăртипе танлаштарсан промышленноç производстви 11% хушăннă. Надежда Юрьевна ăнăçлă ĕçлекен предприятисене асăннă май «Элара», ЧЗСА, В.Чапаев ячĕллĕ пĕрлешÿ, «Химпром», «Лента», «Чăвашторгтехника» импорта хамăрăн продукципе улăштарас енĕпе тăрăшуллине палăртрĕ.
