Чăвашла верси
Русская версия
«НТВ» телеканалпа кăтартнă
Чăваш юррипе тĕнче шайĕнче палăрма ĕлкĕрнĕ «DIVA Etno Future Sound» ушкăн «Страна талантов» конкурсăн 2-мĕш сезонĕн 2-мĕш кăларăмне хутшăннă.
Музыка номерне лартас умĕн ушкăн солисчĕ Руслан Соловьев чăваш халăхĕ çинчен ăнлантарчĕ. Чăваш çынни çав тери сăпайлă пулнăран çывăх çыннисене туйăмĕсем пирки калаймасть, анчах çакна юрăра кăтартать терĕ. Ушкăн шăрантарнă çепĕç юрă жюрие тыткăнларĕ.
«Малтанах инструмент çитмест пек туйăнчĕ. Итлесен-итлесен кунта пĕтĕмпех — инструмент та, вокал та — çителĕклине ăнлантăм», — терĕ конкурсантсен пултарулăхне хак паракансенчен пĕри. «Питĕ çепĕç юрă. Шел, çепĕçлĕх паян анлă сарăлман. Çакнашкал юрăсем пире ырă чунлăрах пулма вĕрентеççĕ», — терĕ тепри.
Надежда Бабкина чăваш çынни сăпайлă пулсан та чунпа çирĕппине палăртрĕ. «Пĕлтĕр «Раççей юррисем» проектпа Чăваш Ене çитрĕмĕр, республикипех çаврăнтăмăр, унта тăван халăх культурине питĕ лайăх упраççĕ», — терĕ вăл.
