Мăнкунра чиркÿсенчи кĕлĕсене республикăра пурăнакан 20 пине яхăн çын хутшăннă. Ĕç тăвакан влаç органĕсен тата муниципалитетсен ертÿçисемпе тунтикун йĕркеленĕ канашлура çакăн çинчен пĕлтернĕ май республика Пуçлăхĕ Олег Николаев пĕтĕмпех йĕркеллĕ, пăтăрмахсăр иртнине çирĕплетрĕ, куншăн яваплă тытăмсене тав турĕ.
Журналистсемпе уçă калаçу форматпа йĕркеленĕ тĕлпулура Сбербанкăн Атăл-Вятка банкĕн ертÿçи Петр Колтыпин Сберăн 2022 çулхи таса тупăшĕ 300 миллиард тенкĕпе танлашнине палăртрĕ.
Чăваш Енре ака уйăхĕн 17-мĕшĕ тĕлне ĕçсĕр 4265 çынна шута илнĕ. Çакă тĕрлĕ çĕрте вăй хуракансен шучĕпе пăхсан 0,72 процентпа танлашать.
Çулталăк пуçланнăранпа 7,2 пин çынна ĕçе вырнаçтарнă. Хальхи вăхăтра ĕçсĕррисен чи пысăк пособийĕ — 12792 тенкĕ, чи пĕчĕкки — 1500 тенкĕ. Çынна малтанхи виçĕ уйăхра ĕç укçин 75 процентне, анчах ятарлă виçерен пысăкрах мар, тÿлеççĕ. Кайран тÿлев пĕчĕкленет.
Раҫҫейре 2.0 инвестици стандартне ӗҫе кӗртнӗ май ҫӗршыври 44 команда, ҫав шутра Чӑваш Ен те, РФ Экономика аталанӑвӗн министерстви хатӗрленӗ «Управление ӑсталӑхӗ: регионсен командисен аталанӑвӗ» программӑпа килӗшӳллӗн вӗренӗве хутшӑнать.
Министрсен Кабинечĕн юнкун республика Пуçлăхĕ Олег Николаев ертсе пынипе иртнĕ ларăвĕнче Правительство çичĕ саккун проектне ырларĕ, ытти йышăнăва çирĕплетрĕ.
91 çулти Анна Замкова ятарлă çар операцине хутшăнакансене пулăшма укçа куçарнă.
Муркаш тăрăхĕнчи Çĕнĕ Матьăк ялĕнче çуралнăскер «1941-1945 çулсенчи Тăван çĕршывăн Аслă вăрçи вăхăтĕнче хастар ĕçленĕшĕн» медале тивĕçнĕ. Кайран Шупашкарти 1-мĕш трест столовăйĕнче савăт-сапа çăваканран суту-илÿ пайĕн пуçлăхне çитнĕ. Анна Замковăна ача çуратма пÿрмен. Халĕ ăна тăванĕ, социаллă ĕçчен пăхаççĕ.
Хĕрлĕ Чутай районĕн тĕп вулавăшĕ нихăçан та вулакансăр тунсăхламасть. Кĕнеке тусĕсем, уйрăмах шкул ачисем, кунта кашни кунах çул такăрлатаççĕ. Хальхилле çĕнетнĕ библиотекăра кăсăкли чылаях-çке.
Çуркунне çитнĕ май пушар тухас хăрушлăх тăруках пысăкланать. Шыва кĕмелли тапхăр та çывхарать — çынсем шывра путас хăрушлăх ӳсет. Апла тăк паян сыхлăх ыйтăвĕсем мала тухаççĕ. Вĕсене ытларикун Чрезвычайлă лару-тăруран сыхланас тата пушар хăрушсăрлăхне тивĕçтерес енĕпе ĕçлекен комиссин ЧР Пуçлăхĕ Олег Николаев ертсе пынипе иртнĕ ларăвĕнче сӳтсе яврĕç.
Тунтикунхи канашлура ЧР Пуçлăхĕ пуш уйăхĕн 31-мĕшĕнче ирттернĕ «тӳрĕ линие» пĕтĕмлетрĕç. Калаçу икĕ сехете яхăн тăсăлнă — ыйту нумай пулнă. ЧР Пуçлăхĕн Администрацийĕн ертӳçин тивĕçĕсене пурнăçлакан Владимир Степанов граждансене çулсен юсавлăхĕпе, ЖКХпа, медицина пулăшăвĕпе, халăхран илекен сĕтĕн хакĕ чакнипе çыхăннă ыйтусем уйрăмах пăшăрхантарнине палăртрĕ. Паллах, «тӳрĕ лини» вăхăтĕнче пурне те хуравлама май килмен. Вĕсем çине алă сулман, ака уйăхĕн 7-мĕшĕ тĕлне тивĕçлĕ тытăмсем ытларахăшĕн авторне тулли хурав панă.
Шкулсен строительствин, юсавĕн теми тавра тунтикунхи канашлура тĕплĕ калаçу пулчĕ. Строительство министрĕ Павел Данилов кашни объектри ĕçсемпе паллаштарчĕ. Чи малтанах — концесси мелĕпе çĕклемелли шкулсем тĕлĕшпе. Шупашкарти Хĕвеллĕ микрорайонти 1,4 пин ачана йышăнмалли шкула 3-мĕш стройтрест хăпартать. Проектпа смета докуменчĕсене патшалăх экспертизине панă. Объект хакĕ 1,8 миллиард тенкĕрен те иртет. Халĕ никĕс свайĕсене çапаççĕ. Çĕнĕ Шупашкарта та 1,1 пин ача валли шкул тумалла. Вăл 1,54 миллиард тенке ларĕ. Унта та подрядчик свайсем çапма тытăннă.
Чăвашла верси
Русская версия
