Юрий ЛИСТОПАД

29 Кăрлач, 2018

Упăшкана та саватăп, ашшĕне те

Икĕ вут хушшинче эпĕ. Мĕн тумаллине те пĕлместĕп. Малашнехи пурнăçăм паллă марри те асаплантарать. Тÿрех хирĕçленĕ тĕк паян хама çăмăлрах туйăттăм. Уçăмсăр лару-тăру вăраха пырас çуккине пĕлсех кашни каçа шикленсе-хумханса кĕтетĕп. Маншăн вăл — телей те, чун асапĕ те, ÿт пăлханăвĕ те, юратнă çыннăм умĕнчи каçарайми намăсăм та… Упăшкашăн эпĕ — юратнă арăм, ашшĕшĕн — çамрăк еркĕн.

Чăваш хĕрарăмĕ
Кун хыççăн кун
Эсĕ тата эпĕ
25 Раштав, 2017

Çирĕксĕр Çирĕклĕ-и, хурамасăр Хурамал-и?

Тăван кĕтесĕм, çуралнă вырăнăм манăн — Трак енри Çирĕклĕ ялĕ. Урăх çĕрте тĕплентĕм пулин те вăл яланах асăмра, ячĕ те чĕрери аса илÿ хĕлĕхĕсене карăнтарать. Чунра йывăр самантсенче атте-анне килне çитме, ялăн йăмраллă урамĕсемпе утса иртме, çыннисемпе курса калаçма кăмăллатăп. Ырă, çăмăл пулса каять вара чунра. Çу кунĕсенчи шăрăхра йăмрасен сулхăнĕ канлĕх парнелетчĕ, хĕллехи шартлама сивĕсенче вĕсен хÿттинче ăшăрах пек туйăнатчĕ.

Чăваш хĕрарăмĕ
Публицист шухăшĕ
экологи
4 Авăн, 2017

Пурччĕ ал ăсти ялта...

Тахçан кашни ялтах хăйĕн ал ăсталăхĕпе тĕлĕнтерме пултарнă çынсем пирки паян чуна ыраттарсах иртнĕ вăхăтпа çырма тивет. Чăннипех мĕн кăна ăсталамастчĕç-ши вĕсем?! Чăваш наци музейĕн Йĕпреçри уйрăмĕн картинăсен галерейинче ирттернĕ курава темиçе çул каялла ăнсăртран кĕрсе тухнăччĕ. Районти ал ĕç ăстисен тĕрлĕ япали хушшинче тĕрĕ- эреш, килте тĕртсе тунă кавирсем, кĕпе-тумтир, йывăçран савăт-сапа, хăваран çыхнă карçинккасем, çичĕ пушăт çăпати тата ытти тем те пурччĕ.

Чăваш хĕрарăмĕ
Публицист шухăшĕ
Шухăш
19 Çĕртме, 2017

Ырă сăмахĕ хăйĕнчен малта пырать

Чăваш Ен тĕп хулине кунсерен çĕр-çĕр çын килет: самолетпа, пăрахутпа, пуйăспа, автобуспа... Пĕччен те, ушкăнпа та. Пĕрисем — ĕçпе, теприсем — шурă Шупашкарăн илемĕпе киленме. Чăвашлăхпа, унăн йăли-йĕркипе, республика аталанăвĕпе кăсăкланакан та нумай. Алексей Романова та, Ташкентра çуралса ÿснĕ чăваша, несĕлсен тăрăхĕ канăç паман — хăй патнех туртнă. Аслашшĕн-ашшĕн тăван кĕтесĕн таса сывлăшĕпе сывлама темиçе хут килсе кайнă вăл, кайран вара урăх чăтайман: пуçĕпех таврăннă кунта, Шупашкарта тĕпленнĕ.

Чăваш хĕрарăмĕ
Хула
Этнологи
8 Ака, 2017

Тĕнче уçлăхĕн алăкне чăваш та уçнă

Календарьте çак куна хĕрлĕ тĕспе палăртман. Апла пулин те ака уйăхĕн 12-мĕшĕ — пысăк уяв. Тĕнче уçлăхне парăнтарассишĕн ĕçлекен пин-пин çыншăн кăна мар, хăйĕн ывăл-хĕрне çăлтăрсем патне çул уçнă халăхсемшĕн те, çĕршывшăн та. Пайăррăн илсен — маншăн та. Эпĕ те çак ĕçе хамăн пĕчĕк тÿпене хывнă-çке — ыттисемпе пĕрле темиçе экипажа сывлăшсăр уçлăха çĕкленме пулăшнă.

Чăваш хĕрарăмĕ
Пулса иртни
Космонавтика кунĕ

Pages