Чÿк уйăхĕн 10–11-мĕшĕсенче Калиниградра Раççейĕн сывлăх сыхлавĕн министерстви «Пысăк технологилле медицина пулăшăвĕ кÿрессин хальхи вăхăтри аспекчĕсем» темăпа çĕршыври конференци ирттернĕ.
Ĕнер Шупашкарта дельтапланерист шыва ÿкнĕ. Инкек кăнтăрла иртни икĕ сехет çурăсенче пулнă.
Чÿк уйăхĕн 14-мĕшĕнче К.В. Иванов ячĕллĕ Чăваш патшалăх академи драма театрĕн 100 çулхи юбилейне халалласа ăслăлăхпа практика конференцийĕ иртĕ. Ăна ЧР Культура министерстви, Патшалăх гуманитари ăслăлăхĕсен институчĕ тата театр йĕркелеççĕ.
Шупашкарти троллейбуссем паянтан çĕнĕ расписанипе çÿреме пуçланă. Аса илтерер: кун пирки хулари троллейбус управленийĕнче "Хыпар" издательство çуртне юпа уйăхĕн вĕçĕнче пĕлтернĕччĕ.
Троллейбуссене каҫхи 10 сехетчен ҫӳретсе те пăхнăччĕ, анчах хулари заводсенче ĕçлекенсене ку график тивĕçтерменнине кура хăш-пĕр рейспа çÿрекеннисен графикне каярах вăхăта куçарнă.
"Хыпар" издательство çурчĕн "Чăваш хĕрарăмĕ" хаçачĕ тата Чăваш хĕрарăмĕсен союзĕ "Аннпе пĕрле" ятпа сăн ÿкерчĕксен конкурсне ирттерет.
Чăвашла верси
Русская версия
